فيديو: تحديد إذا ما كان شكل مُعطًى له تماثُل دوراني وإيجاد زاوية الدوران إن وُجِدت

هل للشكل التالي محور تماثل دوراني؟ إن كان له، فأوجد زاوية الدوران.

٠١:٣٣

‏نسخة الفيديو النصية

هل للشكل التالي محور تَماثُل دوراني؟ إذا كان له، فأوجد زاوية الدوران.

الشكل بيكون ليه محور تماثل دوراني، لمّا بيبقى من الممكن إننا ندوّره بزاوية معيَّنة حول مركزه، من صفر درجة إلى تلتمية وستين درجة. ويكون بعد تدويره على نفس صورته الأولى. فهنجرَّب ندوَّر الشكل بزوايا مختلفة حول مركزه. ونشوف الزاوية اللي هيكون فيها الشكل بعد تدويره في وضعه الأصلي.

أول حاجة، هندوَّر الشكل تسعين درجة. فهيبقى بالصورة دي. نقدر نلاحظ إن ده مش نفس وضعه الأصلي. فهندوَّره بمقدار تسعين درجة مرة تانية. يعني المجموع هيبقى مية وتمانين درجة. برضو نقدر نلاحظ إن ده مش نفس وضعه الأصلي. فهندوَّره بمقدار تسعين درجة مرة تانية. يعني المجموع هيبقى ميتين وسبعين درجة. برضو نقدر نلاحظ إن ده مش نفس وضعه الأصلي. فهندوَّره بمقدار تسعين درجة مرة تانية. فهيبقى المجموع تلتمية وستين درجة. يعني هيرجع لشكله الأصلي.

فبالتالي نقدر نلاحظ إن ما فيش أيّ زاوية كان فيها الشكل في وضعه الأصلي إلّا تلتمية وستين درجة. يعني لمّا رجع لنقطة البداية.

تبقى إجابة السؤال: «هل للشكل التالي محور تَماثُل دوراني؟» هي: لا، ليس له محور تَماثُل دوراني.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.