فيديو: حل المتباينات الخطية ذات الخطوات المتعددة في مجموعة الأعداد النسبية

حل المتباينة ٥ﻡ − ٩(ﻡ + ٣)< ١٤ في ﻥ.

٠١:٤٨

‏نسخة الفيديو النصية

حلّ المتباينة: خمسة م، ناقص تسعة مضروبة في بين قوسين م زائد تلاتة أقلّ من أربعتاشر في ن.

أول حاجة، عايزين نعرف إيه هي ن. ن هي مجموعة الأعداد النسبية. وهي مجموعة الأعداد اللي نقدر نكتبها على صورة أ على ب، حيث أ وَ ب أعداد صحيحة، وَ ب المقام ما بيساويش صفر.

خمسة م، ناقص تسعة مضروبة في بين قوسين م زائد تلاتة أقل من أربعتاشر … أول حاجة هنفكّ القوس. يعني هنضرب سالب تسعة في م، وسالب تسعة في تلاتة. خمسة م. وسالب تسعة في م، سالب تسعة م. سالب تسعة في تلاتة، سالب سبعة وعشرين. وده أقلّ من أربعتاشر.

ناخد الحدود المتشابهة؛ خمسة م ناقص تسعة م. وده بيساوي سالب أربعة م. هنضيف سبعة وعشرين للطرفين، هيبقى سالب أربعة م أقلّ من أربعتاشر زائد سبعة وعشرين. أربعتاشر زائد سبعة وعشرين بيساوي واحد وأربعين. هيبقى سالب أربعة م أقلّ من واحد وأربعين. هنضرب في المعكوس الضربي لسالب أربعة، اللي هو سالب واحد عَ الأربعة. هيبقى م أكبر من سالب واحد وأربعين على أربعة.

هنلاحظ إن إشارة المتباينة تغيَّرت. يعني من أقلّ من بقت أكبر من؛ لأننا ضربنا في سالب ربع، وسالب ربع هو عدد سالب. لمّا بنضرب في عدد سالب بنغيّر الإشارة.

وهتبقى مجموعة حلّ المتباينة في ن هي: مجموعة م، حيث م تنتمي إلى ن، وَ م أكبر من سالب واحد وأربعين على أربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.