فيديو: تقريب كسر فعلي لأقرب جزء من مائة

أكمل: ١٣/٩ ≈ _ لأقرب ١٠٠/١.

٠٢:٥٩

‏نسخة الفيديو النصية

أكمل: تسعة على تلتاشر هتساوي تقريبًا نقط، لأقرب واحد على مية.

هنلاحظ إنه الكسر تسعة على تلتاشر ممكن نكتبه باستخدام عملية القسمة على صورة تسعة على تلتاشر، وبكده هنقوم بعملية القسمة. في البداية إيه هي خطوات القسمة؟ رقم واحد: اقسم. رقم اتنين: اضرب. رقم تلاتة: اطرح. رقم أربعة: انزل رقم. رقم خمسة: أعد الخطوات.

لمّا نيجي نقسم تسعة على تلتاشر هيساوي صفر، وهنلاحظ إنه جنب التسعة ما فيش أرقام تانية ننزلها عشان نكرر عملية القسمة، فهنضيف في الناتج فصلة عشرية، وهنضيف صفر جنب التسعة. دلوقتي هقسم تسعين على تلتاشر، هيساوي ستة. بعد كده هضرب ستة في تلتاشر، هيساوي تمنية وسبعين.

بعد كده هطرح صفر ناقص تمنية، مش هينفع نستلف واحد، تسعة تبقى تمنية، والصفر هيبقى عشرة؛ عشرة ناقص تمنية يساوي اتنين، وتمنية ناقص سبعة هيساوي واحد. وبما إنه فيه فصلة عشرية في الناتج، أقدر أضيف صفر تاني، وبعد كده أنزله جنب الاتناشر. دلوقتي هقسم مية وعشرين على تلتاشر، مية وعشرين على تلتاشر هيساوي تسعة. هضرب تسعة في تلتاشر هيساوي مية وسبعتاشر.

بعد كده هطرح مية وعشرين ناقص مية وسبعتاشر؛ صفر ناقص سبعة مش هينفع، نستلف واحد مِ الاتنين، اتنين هتبقى واحد، والصفر هيبقى عشرة؛ عشرة ناقص سبعة هيساوي تلاتة. ولأن فيه فصلة عشرية في الناتج، أقدر أضيف صفر كمان، وينزل جنب التلاتة. دلوقتي أقدر أقسم تلاتين على تلتاشر، هيساوي اتنين. هضرب اتنين في تلتاشر هيساوي ستة وعشرين. هطرح تلاتين ناقص ستة وعشرين؛ صفر ناقص ستة مش هينفع، نستلف واحد، تلاتة هتبقى اتنين، وصفر هيبقى عشرين؛ عشرين ناقص ستة هيساوي أربعة. ولأنه مطلوب أجيب قيمة الكسر تسعة على تلتاشر لأقرب واحد على مية، يعني لأقرب جزء من مية، هكتفي بالقسمة لحدّ هنا؛ لأني وصلت لجزء من ألف.

دلوقتي هنقرّب العدد العشري ستمية اتنين وتسعين من ألف إلى أقرب جزء من مية. هنبصّ على الاتنين، وهو الرقم الموجود في خانة جزء من ألف، هنلاحظ إن هو أقل من خمسة؛ إذن التسعة اللي موجودة في خانة جزء من مية هتفضل زي ما هي؛ يعني هيساوي تقريبًا تسعة وستين من مية.

وبكده أقدر أقول إنه الكسر تسعة على تلتاشر هيساوي تقريبًا تسعة وستين من مية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.