فيديو: حل المسائل الكلامية المتضمنة جمع الأعداد حتى ٩٩٩

لحل مشكلة الإسكان، أنشأت الحكومة ١٩٤ شقة في أحد الأحياء و٦٩٢ في حيّ آخر. أوجد العدد الكلي للشقق التي أنشأتها الحكومة.

٠٢:٤٣

‏نسخة الفيديو النصية

لحل مشكلة الإسكان، أنشأت الحكومة مية أربعة وتسعين شقة في أحد الأحياء، وستمية اتنين وتسعين في حيّ آخر. أوجد العدد الكلي للشقق التي أنشأتها الحكومة.

الحكومة بدأت تبني شقق علشان تحلّ مشكلة الإسكان. فبنوا في الأول مية أربعة وتسعين شقة في حيّ معيّن، أو في منطقة معينة. وفي منطقة تانية بنوا ستمية اتنين وتسعين شقة. عدد الشقق الكلي اللي الحكومة بنتهم قد إيه؟

علشان نعرف العدد الكلي هنجمع. هنجمع مية أربعة وتسعين، عدد الشقق في الحيّ الأول؛ زائد ستمية اتنين وتسعين، عدد الشقق في الحيّ التاني. والناتج اللي هيطلع هيبقى هو ده العدد الكلي للشقق. وناخد بالنا وإحنا بنكتب الأعداد تحت بعض، كتبنا الآحاد تحت الآحاد، والعشرات تحت العشرات، والمئات تحت المئات.

نبدأ أول حاجة نجمعها الآحاد مع الآحاد، يعني أربعة زائد اتنين. هنحطّ الأربعة في دماغنا، والاتنين على إيدينا، ونعدّ بعد الأربعة: خمسة، ستة. فده معناه إن أربعة زائد اتنين، ستة.

نجمع بقى العشرات زائد العشرات، يعني تسعة زائد تسعة. التسعة دي زائد التسعة دي. هنحطّ تسعة في دماغنا، وتسعة على إيدينا، ونعدّ بعد التسعة اللي في دماغنا. بعد التسعة إيه: عشرة، حداشر، اتناشر، تلتاشر، أربعتاشر، خمستاشر، ستاشر، سبعتاشر، تمنتاشر. تمنتاشر دي تتكتب إزاي؟ تمنية هنا تحت العشرات، والواحد فوق المئات.

ونبدأ نجمع المئات، واحد زائد واحد زائد ستة. واحد زائد واحد، اتنين. اتنين زائد ستة؟ نحطّ الستة في دماغنا، والاتنين على إيدينا، ونعدّ بعد الستة: سبعة، تمنية. فده معناه إن الناتج تمنية.

وبكده نكون جمعنا مية أربعة وتسعين زائد ستمية اتنين وتسعين. وطلع الناتج النهائي تمنمية ستة وتمانين. يبقى هو ده عدد الشقق الكلي اللي الحكومة بَنِته في الحيّ الأول، والحيّ التاني. تمنمية ستة وتمانين شقة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.