فيديو: إيجاد محيط دائرة بمعلومية قطرها

باعتبار ٣٫١٤ قيمة 𝜋 التقريبية، فأوجد عدد اللفات اللازمة لتقطع عجلة قطرها ٥٥ سم مسافة مقدارها ٣٤٥٫٤ سم.

٠٢:٣٢

‏نسخة الفيديو النصية

باعتبار تلاتة وأربعتاشر من مية قيمة 𝜋 التقريبية، فأوجد عدد اللفات اللازمة لتقطع عجلة قطرها خمسة وخمسين سنتيمتر مسافة مقدارها تلتمية خمسة وأربعين وأربعة من عشرة سنتيمتر.

مُعطى في السؤال قيمة 𝜋 التقريبية تلاتة وأربعتاشر من مية. ومُعطى كمان عجلة قطرها خمسة وخمسين سنتيمتر، وتقطع مسافة مقدارها تلتمية خمسة وأربعين وأربعة من عشرة سنتيمتر. ومطلوب نجيب عدد اللفات اللازمة لتقطع هذه العجلة هذه المسافة.

هنفكر إزاي. لمّا هتتحرك العجلة هنلاحظ إنه المسافة المقطوعة عبارة عن محيط العجلة زي ما هو موضّح في الرسمة، مضروب في عدد اللفات عشان نغطي المسافة المقطوعة. يعني مثلًا … يعني مثلًا لو اعتبرنا محيط العجلة بيمثل الجزء ده. وده بيعبر عن أول لفة. وده بيعبر عن تاني لفة. أقدر أقول إنه المسافة المقطوعة هتساوي محيط العجلة في عدد اللفات.

هنعوّض عن المسافة بتلتمية خمسة وأربعين وأربعة من عشرة. هتساوي محيط العجلة. قانون المحيط هو اتنين 𝜋 نق. لو قلنا إن نق هو ده نصف القطر. أو 𝜋 في ق على اعتبار إن ق هو القطر. هنعوّض عن 𝜋 بتلاتة وأربعتاشر من مية، في القطر خمسة وخمسين، في عدد اللفات.

ومن المعادلة دي أقدر أقول إنه عدد اللفات هيساوي … هقسم طرفَي المعادلة على تلاتة وأربعتاشر من مية في خمسة وخمسين. يعني هيساوي تلتمية خمسة وأربعين وأربعة من عشرة، على تلاتة وأربعتاشر من مية في خمسة وخمسين. باستخدام الآلة الحاسبة لمّا هنحسب هيساوي اتنين. وبكده عدد اللفات هيساوي اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.