فيديو: تقدير الأعداد الحقيقية التي تتضمن جذورًا لمقارنة عددين

هل ٨ + جذر ٣٢ أكبر من، أو يساوي، أو أصغر من جذر ٤٠؟

٠٢:٢١

‏نسخة الفيديو النصية

هل ثمانية زائد الجذر التربيعي لاثنان وثلاثين أكبر من، أو يساوي، أو أصغر من الجذر التربيعي لأربعين؟

بما إن الأعداد اتنين وتلاتين وأربعين ليست مربعات كاملة؛ يعني الجذر التربيعي ليها مش هيبقى عدد صحيح. فهنشوف موقعهم على خط الأعداد، وده بإننا هنقارن العددين بالمربعات الكاملة للأعداد المختلفة. وده بإننا هنقارن العددين بالمربعات الكاملة للأعداد المختلفة.

فمربع الصفر يعني صفر تربيع هيساوي صفر. ومربع الواحد اللي هو واحد تربيع هيساوي واحد. ومربع الاتنين هيساوي أربعة. ومربع التلاتة هيساوي تسعة. ومربع الأربعة هيساوي ستاشر. ومربع الخمسة هيساوي خمسة وعشرين. ومربع الستة هيساوي ستة وتلاتين.

فهنلاحظ إن العدد اتنين وتلاتين بيقع ما بين خمسة وعشرين وستة وتلاتين؛ وده معناه إن الجذر التربيعي لاتنين وتلاتين بيقع ما بين خمسة وستة.

نكمل، مربع السبعة هيساوي تسعة وأربعين. وبما إن العدد أربعين يقع ما بين ستة وتلاتين وتسعة وأربعين؛ فده معناه إن الجذر التربيعي لأربعين، بيقع ما بين العددين ستة وسبعة.

ده معناه إننا ممكن نقول إن المقدار تمنية زائد الجذر التربيعي لاتنين وتلاتين، أكبر من تمنية زائد خمسة، وأصغر من تمنية زائد ستة؛ وده لأن جذر اتنين وتلاتين بيقع ما بين خمسة وستة.

فبالتالي المقدار تمنية زائد الجذر التربيعي لاتنين وتلاتين، بيقع ما بين تلتاشر وأربعتاشر.

وبما إن قيمة الجذر التربيعي لأربعين بتقع ما بين العددين ستة وسبعة. فبالتالي نقدر نستنتج إن المقدار تمنية زائد الجذر التربيعي لاتنين وتلاتين أكبر من الجذر التربيعي لأربعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.