نسخة الفيديو النصية
فصل به تمنية وتلاتين طالبًا، نجح تمنية وعشرين منهم في مادة الرياضيات، ونجح اتنين وتلاتين منهم في مادة العلوم، ونجح ستة وعشرين منهم في المادتين معًا. فإذا اختير طالب عشوائيًّا، فاوجد احتمال أن يكون قد رسب في مادة العلوم.
عشان نقدر نوجد احتمال إن يكون الطالب رسب في مادة العلوم، هنجد إن عندنا اتنين وتلاتين طالب نجح في مادة العلوم، والفصل كان به تمنية وتلاتين طالب، وبالتالي عندنا ست طلاب رسبوا في مادة العلوم؛ وبالتالي احتمال اختيار طالب عشوائي ويكون رسب في مادة العلوم هيكون هو عبارة عن عدد الطلاب اللي رسبوا في مادة العلوم مقسوم على إجمالي عدد الطلاب بداخل الفصل، يعني هيساوي ستة على تمنية وتلاتين.
نقدر نختصر ستة على تمنية وتلاتين، هنقسم البسط والمقام على اتنين؛ وبالتالي ستة على اتنين هيساوي تلاتة، وتمنية وتلاتين على اتنين هيساوي تسعتاشر.
ويبقى احتمال اختيار طالب عشوائيًّا رسب في مادة العلوم هيساوي تلاتة على تسعتاشر.
