فيديو: إيجاد معادلة خط الانحدار في نموذج الانحدار

أحمد خليل

باستخدام المعلومات التي في الجدول، أوجد خط الانحدار ﺹ̂ = ﺃ + ﺏﺱ. قرِّب ﺃ، ﺏ لأقرب ثلاثة أرقام عشرية.

٠٢:٥٤

‏نسخة الفيديو النصية

باستخدام المعلومات التي في الجدول أوجد خط الانحدار ص يساوي أ زائد ب س. قرّب أ وَ ب لأقرب ثلاثة أرقام عشرية.

الأرض الزراعية بالفدان: مية ستة وعشرين. تلتاشر. مية وأربعة. مية وتمانين. تمنية وتلاتين. مية واحد وستين. أربعتاشر. تسعة وتسعين. خمسة وخمسين. مية سبعة وسبعين.

إنتاج المحصول الصيفي بالكيلوجرام: مية وستين. أربعين. تمانين. تلتمية وأربعين. ميتين وستين. ميتين. ميتين وتمانين. ميتين وتمانين. مية وأربعين. مية.

عاوزين نجيب خط الانحدار ص يساوي أ زائد ب س. وعلشان نجيبه لازم نجيب قيمة أ، وقيمة ب. ب بيساوي ن Σ س ص، ناقص Σ س مضروبة في Σ ص؛ على، ن في Σ س تربيع، ناقص Σ س الكل تربيع. وَ أ هو Σ ص، ناقص ب Σ س؛ على ن. حيث س هو الأرض الزراعية بالفدان، ص هو إنتاج المحصول الصيفي بالكيلوجرام.

هنجمع قيم س كلها هنلاقيها تسعمية سبعة وستين. Σ ص أو مجموع قيم ص هيساوي ألف تمنمية وتمانين. Σ س تربيع هنربّع كل قيمة من قيم س. يعني مية ستة وعشرين تربيع، زائد تلتاشر تربيع، زائد مية وأربعة تربيع، وهكذا … ونجمع كل القيم دي على بعض، ده هيساوي مية وتلاتين ألف سبعمية سبعة وسبعين.

Σ س ص هنضرب قيمة س في قيمة ص في كل مرة. يعني مية ستة وعشرين مضروبة في مية وستين. Σ س ص عايزين نجيبه هنضرب كل قيمة س في قيمة ص، ونجمّعهم على بعض. يعني مية ستة وعشرين في مية وستين، زائد تلتاشر في أربعين، زائد مية وأربعة في تمانين، وهكذا … هنلاقي إن مجموعهم بيساوي مية تسعة وتمانين ألف تلتمية وعشرين.

نعوّض بهذه القيم؛ حيث ن هو عدد القيم، وعدد القيم الموجودة عندنا هو عشر قيم؛ يبقى ن بيساوي عشرة. علشان نوجد قيمة ب هنعوّض، وهتبقى ب بتساوي لأقرب تلات أرقام عشرية ميتين وواحد جزء من ألف.

أ بيساوي Σ ص، ناقص ب Σ س؛ على ن. هنعوّض، هنلاقي إن ده بيساوي تقريبًا مية تمنية وستين وخمسمية تلاتة وستين جزء من ألف.

كده قدِرنا نجيب قيمة أ وقيمة ب؛ نعوّض بيهم. وهتبقى معادلة خط الانحدار ص يساوي ميتين وواحد جزء من ألف مضروبة في س، زائد مية تمنية وستين وخمسمية تلاتة وستين جزء من ألف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.