فيديو: تحويل الزمن بين الثواني والدقائق للمقارنة

أكمل الرمز الناقص (باستخدام >، أو<، أو =): ٢٣٤٠ ثانية _ ٣٩ دقيقة.

٠٢:٤٣

‏نسخة الفيديو النصية

أكمل الرمز الناقص باستخدام أكبر من، أو أصغر من، أو تساوي: ألفين تلتمية وأربعين ثانية، نقط، تسعة وتلاتين دقيقة.

عاوزين نكمّل العبارة اللي قدّامنا دي، باستخدام علامة أكبر من، أو علامة أصغر، من أو علامة تساوي. يعني عاوزين نعرف مين الكبير، ومين الصغير؛ ألفين تلتمية وأربعين ثانية، ولّا تسعة وتلاتين دقيقة. مبدئيًّا كده ما ينفعش نقارن بين حاجتين مش شكل بعض. يعني إيه؟

يعني إحنا عندنا هنا فيه ثانية، وهنا فيه دقيقة. يا نخلّيهم الاتنين ثواني، يا نخلّيهم الاتنين دقايق. طيّب إحنا علشان نحوّل من الدقيقة للثانية بنضرب في ستين. يعني إيه الكلام ده؟ يعني إحنا لو خدنا التسعة وتلاتين دقيقة، اللي هي دي، وضربناها في ستين، الناتج اللي هيطلع هيكون بالثانية.

طيّب تعالوا نضرب. صفر في تسعة بتساوي صفر، وصفر في تلاتة بتساوي صفر. كده إحنا ضربنا الصفر، نضرب بقى الستة. ستة في تسعة بتساوي أربعة وخمسين. بس قبل ما نكتبه هنحفظ الخانة هنا بصفر، ونكتب أربعة وخمسين؛ أربعة تحت الستة، وهنا الخمسة. بعدين نضرب ستة في تلاتة. الستة في تلاتة بتساوي تمنتاشر. تمنتاشر نجمع عليهم الخمسة دي، هتساوي تلاتة وعشرين. طيّب إحنا بنجمع الجزء ده، فوق فيه أصفار فمش هيغيّر في الناتج حاجة. فده معناه إن الناتج هو إيه؟ ألفين تلتمية وأربعين ثانية.

يبقى إحنا كده حوّلنا من الدقايق للثواني. وعرفنا إن التسعة وتلاتين دقيقة، اللي قدّامنا دي، ممكن نشيلها ونحطّ مكانها ألفين تلتمية وأربعين ثانية. هي هي مش هتغيّر حاجة. طيّب تعالوا بقى كده نقارن. عندنا هنا إيه؟ ألفين تلتمية وأربعين ثانية. وهنا؟ ألفين تلتمية وأربعين ثانية. فده معناه إن الطرفين بيساووا بعض، فنستخدم علامة التَّساوي.

يبقى إحنا كده كمّلنا، وعرفنا الرمز الناقص، وطلع هو الإيه؟ التُساوي. وتبقى هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.