فيديو: حل المسائل الكلامية التي تتضمَّن النسب المئوية

إذا كان هناك خصم على أحد التليفزيونات مقداره ٢٠٪، فاحسب النسبة المئوية التي يجب زيادتها على سعر التليفزيون بعد الخصم حتى نحصل على السعر الأصلي له.

٠١:٣٢

‏نسخة الفيديو النصية

إذا كان هناك خصم على أحد التليفزيونات مقداره عشرين في المية. فاحسب النسبة المئوية التي يجب زيادتها على سعر التليفزيون بعد الخصم حتى نحصل على السعر الأصلي له.

هنفترض إن السعر الأصلي هو س. حصل بعد كده خصم عشرين في المية. وقيمة الخصم اللي حصل ده هتساوي السعر الأصلي مضروب في نسبة الخصم. السعر الأصلي اللي هو إحنا افترضنا إنه س. ونسبة الخصم اللي هي عشرين في المية، أو عشرين على مية. يبقى س في عشرين على مية. وده هيساوي اتنين من عشرة س.

كده قدِرنا نجيب قيمة الخصم. وهيبقى السعر بعد الخصم بيساوي السعر الأصلي، اللي هو س، واتخصم منه اتنين من عشرة س. يعني س ناقص اتنين من عشرة س. وده هيساوي تمنية من عشرة س. عايزين نزوّد على التمنية من عشرة س حاجة؛ علشان تدّينا السعر القديم، السعر الأصلي، اللي هو س.

يبقى هنحتاج نزوّد اتنين من عشرة س؛ علشان نرجع تاني للسعر الأصلي اللي هو س. وهتبقى قيمة الزيادة، اللي محتاجينها عشان نرجّع التليفزيون للسعر الأصلي ليه، هي: اتنين من عشرة س. وهتبقى نسبة الزيادة بتساوي قيمة الزيادة مقسومة على السعر قبل الزيادة، في مية.

قيمة الزيادة اللي إحنا زوّدناها هي اتنين من عشرة س. والسعر قبل الزيادة هو تمنية من عشرة س. مضروبة في مية. وده هيساوي خمسة وعشرين في المية.

وهتبقى النسبة المئوية للزيادة هي: خمسة وعشرين في المية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.