تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قيمة المقادير الجبرية

أحمد مدحت

إذا كانت ﺱ = ٣، ﺹ = ١، فأوجد قيمة ٢ﺱ + ٥ﺹ ÷ ٤ﺱﺹ.

٠٣:١١

‏نسخة الفيديو النصية

إذا كانت س تساوي تلاتة، وَ ص تساوي واحد. فأوجد قيمة اتنين س زائد خمسة ص على أربعة س ص.

علشان نوجد قيمة اتنين س زائد خمسة ص على أربعة س ص. هنوجد قيمة كلٍّ من اتنين س، وَ خمسة ص، وأربعة س ص. الأول هنوجد قيمة اتنين س. عندنا في المعطيات س تساوي تلاتة. فهنعوّض عن س بتلاتة. فهيبقى اتنين س يساوي اتنين في تلاتة. يعني اتنين س تساوي اتنين في تلاتة. يعني اتنين س تساوي ستة.

بعد كده هنوجد قيمة خمسة ص. وعندنا في المعطيات ص تساوي واحد. فهنعوّض عن ص بواحد. فهيبقى عندنا خمسة ص تساوي خمسة في واحد. وخمسة في واحد تساوي خمسة. فهيبقى خمسة ص تساوي خمسة.

بعد كده هنوجد قيمة أربعة س ص. ومن المعطيات س تساوي تلاتة، وَ ص تساوي واحد. فهنعوّض عن س بتلاتة، وعن ص بواحد. فهيبقى أربعة س ص يساوي أربعة في تلاتة في واحد. وأربعة في تلاتة في واحد يساوي اتناشر. فهيبقى أربعة س ص يساوي اتناشر.

وإحنا في المثال ده عايزين نوجد قيمة اتنين س زائد خمسة ص على أربعة س ص. وإحنا أوجدنا قيمة كلٍّ من اتنين س، وَ خمسة ص، وأربعة س ص. فهنعوّض عنهم. فلمّا هنعوّض عن اتنين س بستة. وعن خمسة ص بخمسة. وعن أربعة س ص باتناشر. هيبقى اتنين س زائد خمسة ص على أربعة س ص، يساوي ستة زائد خمسة على اتناشر.

وعلشان نوجد قيمة ستة زائد خمسة على اتناشر، هنتبع ترتيب العمليات الحسابية. وتبقى عند ترتيب العمليات الحسابية، فإحنا الأول هنضرب أو نقسم من اليمين لليسار. وبعد كده هنجمع أو نطرح من اليمين لليسار. معنى كده إن أول حاجة هنعملها إن إحنا هنقسم خمسة على اتناشر. بالتالي المقدار: اتنين س زائد خمسة ص على أربعة س ص، يساوي ستة زائد، خمسة على اتناشر.

بعد كده هنجمع ستة زائد، خمسة على اتناشر. فعلشان نقدر نجمع ستة وخمسة على الاتناشر، هنكتب ستة في صورة كسر، مقامه اتناشر. فبالنسبة لستة، فهي تساوي اتنين وسبعين على اتناشر. معنى كده إن اتنين س زائد خمسة ص على أربعة س ص، يساوي اتنين وسبعين على اتناشر، زائد خمسة على اتناشر.

ولمّا هنجمع اتنين وسبعين على اتناشر زائد خمسة على اتناشر. هيبقى المقدار: اتنين س زائد خمسة ص على أربعة س ص، يساوي سبعة وسبعين على اتناشر. بكده هتبقى قيمة المقدار: اتنين س زائد خمسة ص على أربعة س ص، هي: سبعة وسبعين على اتناشر.