تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: فك المقادير المعقدة المُكوَّنة من قوسين

أحمد لطفي

فُكَّ المقدار ٤(٢ﺱ + ٣) + ٢(٤ﺱ + ٤) وبسِّطه.

٠١:٣١

‏نسخة الفيديو النصية

فك المقدار: أربعة مضروبة في، اتنين س زائد تلاتة، زائد اتنين مضروبة في، أربعة س زائد أربعة، وبسطه.

في البداية عشان نقدر نفك المقدار، فهنضرب أربعة في كل حد بداخل القوس اللي مضروبة فيه، وأيضا هنضرب اتنين في كل حد بداخل القوس اللي مضروبة فيه. فالمقدار عندنا هيساوي أربعة في اتنين س، زائد أربعة في تلاتة، زائد اتنين في أربعة س، زائد اتنين في أربعة؛ يعني المقدار هيساوي أربعة في اتنين س هيساوي تمنية س، زائد أربعة في تلاتة هيساوي اتناشر، زائد اتنين في أربعة س هيساوي تمنية س، زائد اتنين في أربعة يساوي تمنية.

هنجمّع الحدود المتشابهة، يعني المقدار هيساوي تمنية س زائد تمنية س زائد اتناشر زائد تمنية، يعني المقدار هيساوي تمنية س زائد تمنية س؛ هنجمع الأعداد، فهيكون عندنا ستاشر، وهنكتب المتغير مرة واحدة؛ يعني تمنية س زائد تمنية س هيساوي ستاشر س، زائد اتناشر زائد تمنية هيساوي عشرين؛ وبالتالي بعد فك المقدار وتبسيطه، كان الناتج بيساوي ستاشر س زائد عشرين.