تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: الآحاد والعشرات والمئات

نهال عصمت

يوضِّح الفيديو طريقة تمثيل الأعداد بالآحاد، والعشرات، والمئات.

٠٤:٣١

‏نسخة الفيديو النصية

الآحاد، والعشرات، والمئات.

هنتعلّم إزاي نكتب الأعداد بالآحاد، والعشرات، والمئات. لو عندنا مثلًا العدد ربعمية خمسة وعشرين، لو جينا نمثّله بالنماذج، هيبقى بالشكل الآتي. عايزين نبدأ نكتب العدد ربعمية خمسة وعشرين بالآحاد، والعشرات، والمئات. هنبدأ نرسم جدول القيم المكانية بالشكل الآتي. عندنا العدد مكوّن من تلات أرقام؛ يعني مكوّن من تلات خانات. أول خانة هي خانة الآحاد. وتاني خانة هي خانة العشرات. وتالت خانة هي خانة المئات.

عندنا خمسة؛ يعني عندنا خمس مكعبات. يبقى هنكتب في خانة الآحاد خمسة. بعد كده عندنا نموذجين، كل نموذج مقسّم إلى عشر مكعبات. يبقى نقدر نقول إن خانة العشرات فيها اتنين. بعد كده عندنا أربع نماذج، كل نموذج مقسّم إلى مية مكعب. يبقى نقدر نقول إن خانة المئات فيها أربعة. ونقدر نكتب العدد بالكلمات: أربعمائة وخمسة وعشرون. يبقى كده عرفنا نكتب العدد بالآحاد، والعشرات، والمئات. وقدِرنا كمان نكتبه بالكلمات. هنبدأ نجيب صفحة جديدة، ونشوف أمثلة أخرى.

عايزين نبدأ نكتب النماذج التالية بالآحاد، والعشرات، والمئات. في النموذج الأول عندنا تلات مكعبات، يبقى نقدر نقول إن خانة الآحاد فيها تلاتة. بعد كده عندنا ست نماذج، كل نموذج مقسّم إلى عشر مكعبات. يبقى نقدر نقول إن خانة العشرات فيها ستة. بعد كده عندنا نموذجين، كل نموذج مقسّم إلى مية مكعب. يبقى نقدر نقول إن خانة المئات فيها اتنين. ونقدر نكتب العدد بالكلمات، هنقول: مائتان وثلاثة وستون.

بعد كده في النموذج التاني عندنا تمن مكعبات. يبقى نقدر نقول إن خانة الآحاد فيها تمنية. بعد كده عندنا نموذج واحد فقط مقسّم إلى عشر مكعبات. يبقى نقدر نقول إن خانة العشرات فيها واحد. بعد كده عندنا ست نماذج، كل نموذج مقسّم إلى مية مكعب. يبقى نقدر نقول إن خانة المئات فيها ستة. هنبدأ نكتب العدد بالكلمات؛ هنكتب: ستمائة وثمانية عشر. يبقى كده قدِرنا نكتب النموذج بالآحاد، والعشرات، والمئات. وقدِرنا كمان نكتبه بالكلمات.

هنبدأ نبصّ على آخِر نموذج، هنلاقي عندنا تسع مكعبات. معنى كده إن خانة الآحاد فيها تسعة. بعد كده عندنا سبع نماذج، كل نموذج مقسّم إلى مية مكعب. يبقى نقدر نقول إن خانة المئات فيها سبعة. معنى كده إن خانة العشرات فاضية، يبقى هنكتب فيها صفر؛ عشان ما عندناش ولا نموذج مقسّم إلى عشر مكعبات.

وبكده اتكلّمنا عن كتابة الأعداد بالآحاد، والعشرات، والمئات. وقدِرنا كمان نكتبها بالكلمات.