فيديو: الكسور باعتبارها أجزاءً من مجموعة

يوضح الفيديو طريقة تمثيل الأجزاء من مجموعة، باستخدام الكسور، مع أمثلة تطبيقية.

٠٣:٥١

‏نسخة الفيديو النصية

الكسور كأجزاء من مجموعة.

هنتعرف في الدرس ده إزاي نقدر نوصف أجزاء من مجموعة باستخدام الكسور.

مطلوب مننا نستخدم الكسور؛ عشان نعبر عن جزء من المجموعة. فلو بصينا على مجموعات الأزهار اللي قدامنا، هنلاقي مطلوب مننا نحدّد كام زهرة حمرا، وعدد كل الأزهار اللي في كل مجموعة.

ففي أول سؤال عندنا مطلوب نعرف كم زهرة حمرا وعدد الأزهار في المجموع كام. لو عدّينا المجموعة هنلاقي فيها زهرتين: واحد، اتنين. أما الأزهار الحمراء فهي زهرة واحدة. يبقى نقدر نكتب واحد من اتنين من الأزهار اللي عندنا لونها أحمر.

أما في المجموعة التانية، فعايزين نعرف عدد الأزهار الكلية الأول. آدي واحد، اتنين، تلاتة. دلوقتي عدد الأزهار اللي لونها أحمر كام؟ هي زهرة واحدة بس. يبقى نقدر دلوقتي نقول إن واحد من تلاتة من الأزهار لونها أحمر.

لو بصينا على المجموعة التالتة، هنلاقي إن عندنا واحد، اتنين، تلاتة، أربعة. أربع أزهار. وزهرة واحدة بس هي اللي لونها أحمر. يبقى نقدر نقول واحد من أربع أزهار لونها أحمر.

هنجيب صفحة جديدة، ونكمل مع بعض تدريبات تانية.

لو بصينا للصورة الأولى، هنلاقيها بتتكوّن من مجموعة من الطائرات الورقية. عايزين نشوف عدد الطائرات الورقية اللي لونها أخضر.

إحنا هنلاقي إن الطائرات الورقية اللي عندها … اللي عندنا كلها عددها أربع طائرات ورقية. أما اللي لونهم أخضر فهمّ اتنين. يبقى عندنا اتنين من أربع طائرات ورقية لونها أخضر.

لو بصينا على المجموعة اللي بتتكون من مجموعة من التفاح اللي بعدهم. هنلاقي إن المجموعة دي بتتكون من عدد اتنين من التفاح. طب التفاح اللي لونه أحمر عبارة عن واحدة بس، اللي هي دي. يبقى نقدر نقول إن واحدة من اتنين من التفاح لونها أحمر.

هنكمل في صفحة جديدة باقي الأمثلة.

مطلوب مننا نوصف الجزء المطلوب من كل مجموعة من المجموعات اللي قدامنا دول. هنبص أول حاجة على مجموعة الفراشات. عايزين نعبّر عن الجزء اللي لونهم أزرق من الفراشات.

هنبتدي نعدّ الفراشات اللي لونها أزرق. هنلاقيهم واحد، اتنين. يبقى عندنا اتنين من مجموعة الفراشات اللي عندنا دي كلها لونهم أزرق. طب المجموعة كلها كام فراشة؟ واحد، اتنين، تلاتة، أربعة، خمسة، ستة. يبقى اتنين من ست فراشات لونها أزرق.

دلوقتي هنشوف مجموعة ثمار الفلفل اللي قدامنا. مطلوب مننا نوصف ثمار الفلفل اللي لونها أحمر.

هنبتدي نعدّهم مع بعض واحد، اتنين، تلاتة، أربعة. يعني عندنا أربع ثمار من المجموعة دي لونها أحمر. طب المجموعة دي كلها قد إيه. المجموعة دي خمسة. يبقى أربعة من خمسة من ثمار الفلفل لونها أحمر.

هنشوف المجموعة اللي بعد كده. هنشوف مطلوب مننا نوصف العناقيد اللي هي لونها أصفر. عناقيد العنب اللي لونها أصفر. هنعدّ كام عنقود لونهم أصفر: واحد، اتنين. يبقى عندنا اتنين من المجموعة العناقيد دي لونها أصفر. طب المجموعة دي كلها كام؟ واحد، اتنين، تلاتة، أربعة، خمسة، ستة. يعني اتنين من ستة من عناقيد العنب لونها أصفر. وكده قدرنا نعرف إزاي نقدر نوصف أجزاء من المجموعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.