تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد مجموعة حل المتباينة الخطية في صورة فترة

سوزان فائق

حل −٢ ﺱ + ٣ ≤ ٥. اكتب إجابتك في صورة فترة.

٠١:٤٦

‏نسخة الفيديو النصية

حل المتباينة: سالب اتنين س زائد تلاتة أصغر من أو يساوي الخمسة. اكتب إجابتك في صورة فترة.

المتباينة سالب اتنين س زائد تلاتة أصغر من أو تساوي الخمسة، عايزين نوجد قيم س اللي تحقّق المتباينة. وعلشان نوجد قيم س، لازم نخلّي س لوحدها في طرف من أطراف المتباينة. أول حاجة هنطرح تلاتة من طرفَي المتباينة، يعني هتبقى سالب اتنين س زائد تلاتة ناقص تلاتة أصغر من أو تساوي خمسة ناقص تلاتة. يبقى لمّا هنبسّطها؛ سالب اتنين س … زائد تلاتة وناقص تلاتة هتبقى صفر، يبقى سالب اتنين س أصغر من أو يساوي … خمسة ناقص تلاتة، اتنين. وعلشان نخلّي الـ س لوحدها في، طرفَي، إحدى طرفَي المتباينة، يبقى هنقسم على سالب اتنين.

بس ناخد بالنا إن لمّا هنقسم على عدد سالب في المتباينة، لازم نعكس اتجاه المتباينة؛ يعني بدل ما كانت أصغر من أو يساوي، هتبقى أكبر من أو يساوي. يبقى هنقسم الطرفين على سالب اتنين، وكمان هنغيّر دي تبقى أكبر من أو يساوي. يبقى الـ س أكبر من أو يساوي … اتنين على سالب اتنين، سالب واحد.

يبقى قيم الـ س هي الأكبر من أو يساوي سالب واحد؛ يعني الفترة اللي هتعبّر عن الكلام ده، سالب واحد هناخدها جوه الفترة لأن فيه يساوي، إلى كل القيم اللي أكبر من السالب واحد، يعني هتروح لغاية اللانهاية، وهتبقى الفترة من عندها مفتوحة، وهي دي الفترة اللي بتعبّر عن حل المتباينة.