فيديو: قراءة البيانات من الأعمدة البيانية

في أحد المتاجر قسم للفاكهة وقسم للّحوم وقسم للخبز. توضِّح الأعمدة البيانية الآتية كم شخصًا يقف في كل قسم من المتجر. كم شخصًا في المتجر؟

٠١:٤٢

‏نسخة الفيديو النصية

في أحد المتاجر؛ قسم للفاكهة، وقسم للّحوم، وقسم للخبز. توضح الأعمدة البيانية الآتية، كم شخصًا يقف في كل قسم من المتجر. كم شخصًا في المتجر؟

السؤال بيقول لنا إن في محل من المحلات، فيه تلات أقسام. قسم فواكه، وقسم لحوم، وقسم للخبز أو العيش. وعندنا الرسم البياني ده، بيوضّح في كل قسم من التلات أقسام دول، فيه كام واحد بيشتري فيهم، أو واقف فيهم. فهنلاقي من الرسم إنه قسم الفاكهة فيه تمن أشخاص واقفين. وقسم اللحوم فيه شخصين اتنين، في قسم اللحوم. وقسم الخبز فيه أربع أشخاص.

السؤال بقى عندنا، عاوزين نعرف كل الأقسام دي، فيها كام واحد. فهنبدأ نجمع الناس اللي موجودة في قسم الفاكهة. زائد الناس اللي موجودة في قسم اللحوم. زائد الناس اللي موجودة في قسم الخبز. عندنا قُلنا في قسم الفاكهة فيه تمنية، فنكتب تمنية. زائد قسم اللحوم قُلنا فيه اتنين. زائد قسم الخبز فيه أربعة.

تمنية زائد اتنين زائد أربعة. تمنية زائد اتنين بتساوي عشرة. وننزّل الأربعة. عشرة زائد أربعة بتساوي أربعتاشر. فيبقى عدد الأشخاص كلهم في المتجر، أربعتاشر. وهي دي الإجابة الصح. وتبقى الإجابة الصح: أربعتاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.