تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: مخطط الساق والورقة

سوزان فائق

يوضح الفيديو كيفية تمثيل البيانات بطريقة مخطط الساق والورقة، باستخدام القيمة المكانية.

٠٦:٣٤

‏نسخة الفيديو النصية

هنتكلّم في الفيديو ده عن مخطط الساق والورقة.

بيُستخدم مخطط الساق والورقة لرسم وتنظيم البيانات اللي مكوّنة من مجموعات كبيرة جدًّا؛ علشان يكون البيانات أسهل في تحليلها وترجمتها. بنقدر نشوف الأعلى والأقل بسهولة جدًّا. في مخطط الساق والورقة البيانات بيتمّ ترتيبها من الأصغر إلى الأكبر. وبعدين يتمّ تنظيمها باستخدام القيمة المكانية.

يعني لو عندنا مثال زي ده. عايزين نشوف إيه أكتر عدد من الرسايل بيتكرر معانا كتير. البيانات دي علشان كتيرة أوي، فبيبقى صعب إن إحنا نرسمها. وبيبقى الأسهل كتير إن إحنا نستخدم مخطط الساق والورقة. المخطط ده بيعتمد على إن أنا آخد القيمة المكانية؛ يعني مثلًا هنا عندنا القيمة المكانية للعدد تلاتة ده، اللي هو العشرات. العشرات في كل الأعداد اللي قدامنا هناخدها نرتبها. فأول حاجة هنرتّب الأعداد دي المفروض من الأصغر للأكبر. وبعدين بنُقف عندك قيمة العشرات، ونشوف العشرات بتاعتنا منين لفين. هنلاقي الخمسة مثلًا ما فيهاش عشرات؛ يعني مثلًا لو كانت هنا تبقى صفر … يبقى صفر. والعشرات التانية الرقم اللي بعدها الواحد، وعندنا الاتنين، وعندنا التلاتة. واحد، اتنين، تلاتة. تلاتة، اتنين، أربعة. يبقى عندنا أربعة.

يبقى معنى كده … ولو جينا بصّينا في باقية الأعداد مش هنلاقي غير واحد اتنين وتلاتة وأربعة. يبقى إحنا القيم العشرات اللي عندنا صفر، واحد، اتنين، تلاتة، أربعة. الأعداد دي هنرتّبها من الصغير للكبير وهنسميها الساق. وهنيجي بعد كده ناخد خانات الآحاد عندنا، ونحطها على يمين خط كده عمودي وهنسميها الورقة.

نقلب الصفحة، ونتكلم على خطوات الحل.

أول حاجة في خطوات الحل بنقول نرتّب الأعداد من الأصغر إلى الأكبر. تاني خطوة نرسم خط رأسي ونكتب الأرقام في خانات العشرات من الأصغر للأكبر على شمال الخط. تالت خطوة بنستخدِم مفتاح لتفسير مخطط الساق والورقة.

يعني مثلًا في المثال اللي فات كنا قلنا إن الأعداد بتاعة العشرات كانت بتتراوح من الصفر إلى الأربعة. طيب، يبقى هنرسم الخط الرأسي زي ده. وبعد كده ناخد خانات العشرات، نحط فيها من الصفر زي ما قلنا لغاية الأربعة. وناخد بعد كده اللي على اليمين الآحاد بتاعة كل الأرقام اللي عندنا. ولو كان فيه أعداد مشتركة في نفس رقم العشرات، بنحطهم جنب بعض هنا. اللي مشتركين في العشرين في العشرينات نحطهم جنب بعض هنا. والصفر، اللي مشتركين في الصفر هنحطهم هنا. والتلاتة هنحطهم هنا. والأربعة نحطهم هنا.

وبالتالي بعد ما هنخلص هنلاقي إن كل الأعداد اترتبت وبقى شكلها واضح لينا أكتر، نقدر نحللها ونتكلم عنها.

نقلب الصفحة وناخد مثال على الكلام ده.

أول حاجة في خطوات الحل بتاعنا هنعمل إيه؟ هنرتب الأعداد تصاعديًّا من الأصغر إلى الأكبر. بعد ما رتّبنا الأعداد تصاعديًّا هنعمل خط رأسي بالشكل ده. بعد كده هنبتدي نشوف العشرات بتتراوح عندنا منين لفين. هنلاقيها بتبدأ من عند الصفر إلى السبعة. هنرتّبها على شمال الخط الرأسي من الصفر لغاية ما نوصل للسبعة. وبعد كده بنعمل على يمين الخط الرأسي الورقة، اللي هو الشمال ده بنسميه الساق، لكن اليمين ده الورقة. هنقف عند الصفر ونشوف الأعداد اللي مشتركة اللي لها العشرات فيها صفر، هنلاقيها همّ الصفر، والواحد، والخمسة. هنحط هنا صفر وواحد وخمسة.

هنيجي بعد كده هنشوف العشرات. هنلاقي ما فيش حاجة فيها عشرات، يبقى هنسيب دي فاضية.

بعد كده هنشوف العشرينات، هنلاقي إن اللي مشتركين في العشرينات همّ التلاتة وعشرين والأربعة وعشرين. هنحط الخانة بتاعة الآحاد تلاتة أربعة.

هنيجي بعد كده هنشوف اللي مشترك في التلاتينات، هتبقى الأرقام دي: صفر، وصفر كمان، وخمسة، وتسعة. الصفر والصفر يعني التلاتين متكررة مرتين. خمسة وتلاتين مرة واحدة. التسعة وتلاتين مرة واحدة.

بعد كده هنشوف العدد اللي بعده، اللي مشترك في الأربع الخانات بتاعة العشرات بتاعته فيها أربعة، هنلاقيها الأعداد دي. يبقى الاتنين وأربعين هناخد خانة الآحاد اتنين. وبعدين أربعة وخمسين خمسة. وبعدين هناخد خمسة. عندنا الخمسة وأربعين بتكرر تلاتة مرات. يبقى هنحط الخمسة تلاتة مرات. وبعد كده السبعة وأربعين هنحط السبعة مرة. والتسعة وأربعين هنحط التسعة مرة.

بعد كده هنشوف اللي بعديه الخانات بتاعة الخمسينات، اللي فيها خمسة. هنلاقي بس خمسة وخمسين، ستة وخمسين، تمنية وخمسين. يبقى هنحط الخمسة وخمسين. هنحط هنا خمسة. وبعدين ستة. وبعدين تمنية.

بعد كده هنشوف خانة ما فيش حاجة فيها ستة. الستينات يعني ما فيش حاجة وستين.

هنبتدي نشوف على السبعينات. يبقى الخمسة وسبعين، والخمسة وسبعين. يبقى هنحط خمسة مرة. وكمان خمسة عشان نقول على الخمسة وسبعين إنها بتتكرر مرتين.

بعد كده نقدر نفسّر البيانات اللي عندنا باستخدام المفتاح. يعني مثلًا لو حبّينا نتكلم على إيه أكبر مدة بنعمل فيها الواجب. هي هنلاقيها هنا أكتر عدد بيتكرّر معانا هو الخمسة وأربعين. يبقى كده الخمسة وأربعين هي أكتر مدة بنقدر نعمل فيها الواجب.

يبقى اتكلمنا في الفيديو ده عن مخطط الساق والورقة. وإزّاي بنستفيد منه في عرض وتحليل البيانات. وإزّاي بنقدر نحط بيانات عددها كبير، نقدر نحطها ونوضّحها بسهولة جدًّا.