فيديو: تفسير القسمة كعملية طرح متكرر لعدد صحيح على كسر وحسابُها

يُعدُّ ثُمن فطيرة بيتزا جزءًا طبيعيًّا كافيًا لإطعام شخص واحد. ما عدد الأشخاص الذين تكفي ٣ فطائر من البيتزا لإطعامهم؟

٠١:٣٣

‏نسخة الفيديو النصية

يُعدُّ ثُمن فطيرة بيتزا جزءًا طبيعيًّا كافيًا لإطعام شخص واحد. ما عدد الأشخاص الذين تكفي تلت فطائر من البيتزا لإطعامهم؟

بيقول لنا في السؤال: ثُمن فطيرة بيتزا. الثمن يعني واحد على تمنية. وده معناه إن الفطيرة الواحدة متقسّمة على تمن أجزاء. كده إحنا قسّمنا فطيرة البيتزا الواحدة على تمن أجزاء. وبيقول لنا في السؤال: إن جزء واحد بس من فطيرة البيتزا دي كافي لإطعام شخص واحد. وبيسألنا: لو إحنا عندنا تلات فطائر من البيتزا، هتكفِّي لإطعام كام شخص؟ وإحنا عارفين إن واحد فطيرة من البيتزا فيها تمن أجزاء. وعارفين كمان إن الشخص الواحد بياكل جزء واحد بس من الفطيرة.

يبقى واحد فطيرة كافية لإطعام تمن أشخاص. طيب لو عندنا تلات فطائر من البيتزا، هتكفِّي كام شخص؟ يبقى عدد الأشخاص هيساوي تلاتة في تمنية على الواحد. يعني ده في ده على ده. يعني بيساوي تلاتة في تمنية. أيّ حاجة بنقسمها على الواحد بتدِّي لنا نفس الحاجة. يبقى عدد الأشخاص الذين تكفي تلات فطائر من البيتزا لإطعامهم. بيساوي عدد فطائر البيتزا، اللي هم هنا تلات فطائر، في عدد الأشخاص اللي بتكفِّيهم فطيرة واحدة، واللي هم عددهم تمن أشخاص. التلاتة في تمنية بيساوي أربعة وعشرين.

وبكده يبقى عدد الأشخاص الذين تكفي تلات فطائر من البيتزا لإطعامهم هيكونوا أربعة وعشرين شخص.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.