فيديو: حل متباينة خطية ذات خطوتين

أوجد مجموعة حل ٧ﺱ + ٣٥< ١٤ﺱ. اكتب الإجابة على صورة فترة.

٠١:٤٣

‏نسخة الفيديو النصية

اوجد مجموعة حل: سبعة س زائد خمسة وتلاتين، أقل من أربعتاشر س. اكتب الإجابة على صورة فترة.

المتباينة عندنا: سبعة س زائد خمسة وتلاتين، أقل من أربعتاشر س. وعشان نحلّ هذه المتباينة، هنخلي الرموز في ناحية، والعدد في ناحية. وعلشان ده يحصل، هنضيف سالب سبعة س إلى الطرفين. وهيبقى شكل المتباينة: خمسة وتلاتين، أقل من أربعتاشر س ناقص سبعة س. أربعتاشر س ناقص سبعة س بيساوي سبعة س. وهيبقى خمسة وتلاتين أقل من سبعة س. هنقسم طرفَي المتباينة على سبعة. خمسة وتلاتين على سبعة، خمسة، أقل من س. معنى كده إن س أكبر من خمسة.

ولو حبينا نمثّل هذه المتباينة على خط الأعداد: س أكبر من خمسة. يعني معنى كده هتبقى من بعد الخمسة، إلى غاية ما لا نهاية. هل س أكبر من خمسة، أو أكبر من أو يساوي خمسة؟ لا هي أكبر من خمسة؛ عشان كده عملنا الدايرة مفتوحة هنا، مش دايرة مغلقة. لأن دايرة مغلقة، كانت هتعني إن س أكبر من أو يساوي خمسة. إنما هي أكبر من خمسة، ولغاية ما لا نهاية. وهتبقى الفترة هي: خمسة، وما لا نهاية، فترة مفتوحة.

وبكده هيكون حل المتباينة: سبعة س زائد خمسة وتلاتين، أقل من أربعتاشر س، في صورة فترة؛ هي الفترة المفتوحة من خمسة إلى ما لا نهاية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.