فيديو: طرح عددين حتى ٩٩٩

مدرسة بها ٨٠٠ طالب. إذا كان عدد الأولاد ٤٠٠، فما عدد البنات؟

٠١:٢١

‏نسخة الفيديو النصية

مدرسة بها تمنمية طالب. إذا كان عدد الأولاد ربعمية، فما عدد البنات؟

عندنا مدرسة فيها تمنمية طالب. يبقى عدد الطلاب الكل في المدرسة تمنمية. التمنمية دول متقسمين لحاجتين: لأولاد، وبنات. فيها كام ولد المدرسة؟ فيها ربعمية. وعاوزين نعرف عدد البنات قد إيه.

علشان نعرف عدد البنات في المدرسة، هنطرح. هنجيب عدد الطلاب الكلي اللي هو تمنمية، ونشيل منه عدد الأولاد اللي هو ربعمية. فهيتبقى لنا عدد البنات.

تمنمية ناقص ربعمية. صفر ناقص صفر صفر. وصفر ناقص صفر صفر. وتمنية ناقص أربعة … بنطلع التمن صوابع على إيدينا ونشيل منهم أربعة؛ واحد، اتنين، تلاتة، أربعة. اللي اتبقى لنا واحد، اتنين، تلاتة، أربعة؛ فده معناه إن الباقي أربعة. يبقى تمنمية ناقص ربعمية تساوي ربعمية. وده معناه إن عدد البنات في المدرسة ربعمية بنت. وهي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.