نسخة الفيديو النصية
عبّر عن المقدار التالي في صورة س أس ن.
أول حاجة هنكتب المقدار مرة أخرى، وهو عبارة عن الجذر الحادي عشر لـ س أُس سبعة، وهنحول الأُس الجذري إلى أُس كسري، باستخدام القاعدة التالية: بما إن الجذر النوني لـ أ أُس م يساوي أ أُس م للكل أُس واحد على ن، يساوي أ أُس م على ن؛ بحيث إن ن عدد صحيح موجب أكبر من أو يساوي اتنين، وَ م عدد حقيقي.
وبكده يبقى نقدر نكتب المقدار التالي في الصورة الآتية: س أُس سبعة للكل أُس واحد على حداشر، تساوي س … هنضرب الأُسس في بعض، أُس سبعة على حداشر. وبكده يبقى قدرنا نكتب المقدار في صورة س أُس ن، وبنلاقي إن قيمة ن عندنا بتساوي سبعة على حداشر. يبقى بتحويل الأُس الجذري إلى أُس كسري قدرنا نكتب المقدار في صورة س أُس ن.
