فيديو: حل المسائل الكلامية التي تتضمَّن قسمة الأعداد حتى ١٠٠

شاحنة نقل بضائع عليها أن تنقل ٣٠ صندوقًا من اللُّعب، ولكنها لا تستطيع أن تنقل أكثر من ٦ صناديق في المرة الواحدة. كم مرة تحتاج إليها الشاحنة لنقل الكمية المطلوبة؟

٠٢:٣٠

‏نسخة الفيديو النصية

شاحنة نقل بضائع عليها أن تنقل تلاتين صندوقا من اللُّعب، ولكنها لا تستطيع أن تنقل أكثر من ست صناديق في المرة الواحدة. كم مرة تحتاج إليها الشاحنة لنقل الكمية المطلوبة؟

يعني إحنا عندنا شاحنة، أو عربية نُصّ نقل مثلًا، بتنقل تلاتين صندوق، يبقى هي المطلوب منها تنقل تلاتين صندوق. ما ينفعش تشيل التلاتين صندوق كلهم مرة واحدة؛ لأنها مش هتستحمل غير ست صناديق بس في المرة الواحدة. فعاوزين نعرف علشان الشاحنة دي تخلّص نقل التلاتين صندوق كلهم؛ هتحتاج تروح وتيجي كام مرة.

ده معناه إننا هنقسّم نقل التلاتين صندوق على ست مرات؛ علشان الشاحنة تعرف تنقلهم كلهم. ومدام قلنا هنقسّم؛ معناها إن إحنا هنعمل عملية القسمة، فهنقول تلاتين على ستة تساوي كام؟ لو عرفنا تلاتين على ستة تساوي كام؛ يبقى العدد الناتج ده هو عدد المرات اللي الشاحنة هتروح وتيجي فيهم علشان تنقل التلاتين إيه، صندوق.

طيّب الستة في كام يدّينا تلاتين؟ لو فكّرنا هنلاقي إن الستة في خمسة بتلاتين؛ يبقى هي كده الشاحنة هتحتاج تروح خمس مرات؛ علشان تنقل التلاتين صندوق. آدي التلاتين صندوق أهم. الشاحنة بتاخد في المرة الواحدة ستة؛ يعني في أول مرة هتاخد: واحد، اتنين، تلاتة، أربعة، خمسة، ستة، دول كده تروح تنقلهم وترجع تاني تاخد الستة اللي بعدهم، تروح تنقلهم وترجع تاني تاخد الستة اللي بعدهم، تروح تنقلهم وترجع تاني تاخد الستة اللي بعدهم، وتروح تنقلهم وترجع تاني تاخد الستة اللي بعدهم. يبقى هي كده راحت كام مرة؟ واحد، اتنين، تلاتة، أربعة، خمسة. وكل مرة كان فيها كام صندوق؟ واحد، اتنين، تلاتة، أربعة، خمسة، ستة.

يبقى الإجابة: ناتج القسمة اللي هو عدد المرات اللي راحتها، اللي هو بيساوي خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.