فيديو: ضرب عدد عشري في عدد صحيح مكون من رقمين

احسب ٣٫٧٨٨ × ٩٨.

٠٢:٣٧

‏نسخة الفيديو النصية

احسب تلاتة و سبعمية تمنية وتمانين من ألف في تمنية وتسعين.

مطلوب في السؤال إننا نجيب حاصل ضرب العددين الموضحين قدامنا. هنلاحظ إنه واحد من العددين هو عدد عشري، والتاني عدد صحيح مكوّن من رقمين. عشان نضرب عدد صحيح في عدد عشري هنكتب العدد العشري بدون الفصلة العشرية. هيبقى تلات آلاف سبعمية تمنية وتمانين في العدد الصحيح تمنية وتسعين.

هبتدي بضرب الآحاد. تمنية في تمنية هيساوي أربعة وستين، هكتب أربعة، وهضيف ستة فوق خانة العشرات. تمنية في تمنية هيساوي أربعة وستين، زائد ستة هيساوي سبعين، هكتب صفر وأضيف سبعة فوق خانة المئات. تمنية في سبعة هيساوي ستة وخمسين، زائد سبعة هيساوي تلاتة وستين، هكتب تلاتة وأضيف ستة فوق خانة الألوف. تمنية في تلاتة هيساوي أربعة وعشرين، زائد ستة هيساوي تلاتين.

هضيف صفر العشرات، وهبتدي بضرب تسعة في تمنية هيساوي اتنين وسبعين، هكتب اتنين وأضيف سبعة فوق خانة العشرات. تسعة في تمنية هيساوي اتنين وسبعين، زائد سبعة هيساوي تسعة وسبعين، هكتب تسعة وأضيف سبعة فوق خانة المئات. تسعة في سبعة هيساوي تلاتة وستين، زائد سبعة هيساوي سبعين، هكتب صفر وأضيف سبعة فوق خانة الألوف. تسعة في تلاتة هيساوي سبعة وعشرين، زائد سبعة يعني أربعة وتلاتين.

هجمع أربعة زائد صفر هيساوي أربعة. اتنين زائد صفر هيساوي اتنين. تلاتة زائد تسعة هيساوي اتناشر. هكتب اتنين وأضيف واحد فوق خانة الألوف. واحد زائد صفر زائد صفر هيساوي واحد. تلاتة زائد أربعة هيساوي سبعة. وتلاتة هتنزل.

وبكده أقدر أقول إنه عشان أجيب حاصل ضرب تلاتة وسبعمية تمنية وتمانين من ألف في تمنية وتسعين، هيساوي … هكتب الناتج اللي هو تلتمية واحد وسبعين ألف وميتين أربعة وعشرين، وهعدّ الفصلة العشرية جاية بعد كام رقم في السؤال؛ واحد، اتنين، تلاتة. إذن في الناتج هتيجي بعد تلات أرقام؛ واحد، اتنين، تلاتة. هو ده مكان الفصلة العشرية. وبكده أقدر أقول إنه الناتج هو تلتمية واحد وسبعين وميتين أربعة وعشرين من ألف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.