فيديو: مقارنة عددين كبيرين

هل ٥٥٨٢٣٥٦٣٥٨< أم = أم >٩٨٨٧٧٢٧٢٥٨؟

٠١:١٤

‏نسخة الفيديو النصية

هل خمس مليارات وخمسمية اتنين وتمنين مليون وتلتمية ستة وخمسين ألف وتلتمية تمنية وخمسين. أصغر من أم يساوي أم أكبر من. تسع مليارات وتمنمية سبعة وتمنين مليون وسبعمية سبعة وعشرين ألف وميتين تمنية وخمسين؟

عايزين نقارن بين العددين دول، ونكتب بينهم العلامة المناسبة. وعلشان نقدر نقارن بسهولة، هنكتب أرقام الأعداد دي حسب قيمها المكانية. بعد ما كتبنا أرقام العددين تحت خانات الآحاد، والعشرات، والمئات، والألوف، والملايين، والمليارات، وهكذا. دلوقتي نقدر نقارن العددين، ونشوف أنهي فيهم أكبر.

وهنبدأ بأكبر خانة مكانية عندنا، اللي هي خانة المليارات. هنلاقي إن الرقمين الموجودين في خانة المليارات مختلفين عن بعض. ومعنى كده إن واحد فيهم أكبر من التاني. وبالفعل التسعة هي الأكبر من الخمسة. وعلشان كده هيكون العدد التاني ده هو الأكبر من العدد الأول.

وبكده هتكون العلامة المناسبة اللي هنكتبها بين العددين هي علامة أصغر من.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.