فيديو: تفسير البيانات من الأعمدة البيانية

السباق الثلاثي فية ثلاث مراحل: الجري، وركوب الدراجات، والسباحة. يوضِّح الرسم البياني التالي عدد المشاركين في كل مرحلة من مراحل السباق في لحظة معينة. ما إجمالي عدد المشاركين؟

٠٢:٠٩

‏نسخة الفيديو النصية

السباق الثُّلاثي فيه ثلاث مراحل: الجري، وركوب الدراجات، والسباحة. يوضح الرسم البياني التالي عدد المشاركين في كل مرحلة من مراحل السباق، في لحظة معينة. ما إجمالي عدد المشاركين؟

السؤال بيقول لنا إن فيه حاجة اسمها السباق الثُّلاثي. السباق الثُّلاثي ده بيكون فيه جري، وركوب عجل، وسباحة. وعندنا رسم بياني بيوضّح عدد الناس اللي شاركت في كل رياضة من التلات رياضات دول. وعاوزين نعرف إجمالي عدد المشاركين كلهم كام.

فلو جينا نبصّ على الرسم البياني، هنلاقي إن رياضة الجري، عدد المشاركين فيها سبعة. ورياضة ركوب الدراجات، عدد المشاركين فيها خمسة. أمّا رياضة السباحة، فدي عدد المشاركين فيها حداشر. وبكده نكون عرفنا كل رياضة شارك فيها كام شخص، عن طريق الرسم البياني. فلقينا إن الجري فيه سبع أشخاص. وركوب الدراجات خمس أشخاص. والسباحة حداشر شخص. عاوزين نعرف بقى، إجمالي عددهم كلهم كام.

علشان نعرف إجمالي عدد المشاركين، هنجمع. هنجمع الناس اللي شاركت في الجري. زائد اللي شاركت في ركوب الدراجات. زائد اللي شاركت في السباحة. فنبدأ أول حاجة الجري فيه سبع أشخاص، فنقول سبعة. زائد الناس اللي شاركت في ركوب الدراجات، اللي هم خمسة. زائد المشاركين في السباحة، اللي هم حداشر.

سبعة زائد خمسة، بتساوي اتناشر، وننزّل الحداشر. ونقول اتناشر زائد حداشر؛ اتنين زائد واحد، تلاتة، اللي هم الآحاد. وواحد زائد واحد، اتنين، اللي هم العشرات. يبقى اتناشر زائد حداشر، تلاتة وعشرين. وهو ده عدد المشاركين الكلّي، والإجابة الصح للسؤال، تلاتة وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.