تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد حل متباينتين خطيتين في صورة فترة

أحمد لطفي

أوجد مجموعة حل ٤ + ﺱ < ٢ﺱ − ٥ < ٧ + ﺱ في ح.

٠٤:٤٢

‏نسخة الفيديو النصية

اوجد مجموعة حل أربعة زائد س أصغر من اتنين س ناقص خمسة أصغر من سبعة زائد س في ح.

في البداية عشان نقدر نوجد مجموعة الحل، هنقسم المتباينة أربعة زائد س أصغر من اتنين س ناقص خمسة أصغر من سبعة زائد س إلى متباينتين؛ أول واحدة هتكون أربعة زائد س أصغر من اتنين س ناقص خمسة، وتاني متباينة هتكون اتنين س ناقص خمسة أصغر من سبعة زائد س.

في البداية هنحل المتباينة الأولى، أربعة زائد س أصغر من اتنين س ناقص خمسة. في البداية هنطرح أربعة من الطرفين، يعني هيكون عندنا أربعة زائد س ناقص أربعة أصغر من اتنين س ناقص خمسة ناقص أربعة، يعني هيكون عندنا س أصغر من اتنين س ناقص تسعة. هنطرح اتنين س من الطرفين، يعني هيكون عندنا س ناقص اتنين س أصغر من اتنين س ناقص تسعة ناقص اتنين س؛ وبالتالي هيكون عندنا سالب س أصغر من سالب تسعة. هنضرب الطرفين في سالب واحد، فهيكون عندنا سالب س في سالب واحد أكبر من سالب تسعة في سالب واحد. وهنلاحظ إن إشارة أصغر من اتحولت إلى إشارة أكبر من عشان ضربنا الطرفين في سالب واحد؛ وبالتالي هيكون عندنا س أكبر من تسعة، ويبقى حل المتباينة الأولى، اللي هي أربعة زائد س أصغر من اتنين س ناقص خمسة، كانت عبارة عن س أكبر من تسعة.

هنوجد حل المتباينة التانية، اتنين س ناقص خمسة أصغر من سبعة زائد س. أول خطوة هنجمع خمسة على الطرفين، يعني هيكون عندنا اتنين س ناقص خمسة ‏زائد خمسة أصغر من سبعة زائد س زائد خمسة؛ وبالتالي هيكون عندنا اتنين س أصغر من س زائد اتناشر. هنطرح س من الطرفين، هيكون عندنا اتنين س ناقص س أصغر من س زائد اتناشر ناقص س؛ وبالتالي هيكون عندنا س أصغر من اتناشر. ويبقى حل المتباينة اتنين س ناقص خمسة أصغر من سبعة زائد س كان عبارة عن س أصغر من اتناشر.

هنمسح خطوات الحل السابقة، وهنكتب حل كل متباينة مرة كمان. بالنسبة لحل المتباينة الأولى كان عبارة عن س أكبر من تسعة. لو عايزين نكتب مجموعة حل المتباينة الأولى، هيكون عبارة عن الفترة المفتوحة من تسعة لما لا نهاية. وبالنسبة لحل المتباينة التانية كان عبارة عن س أصغر من اتناشر. لو عايزين نكتب مجموعة حل المتباينة التانية، هتكون عبارة عن الفترة المفتوحة من سالب ما لا نهاية إلى اتناشر. وبالتالي لو عايزين نوجد مجموعة حل المتباينة أربعة زائد س أصغر من اتنين س ناقص خمسة أصغر من سبعة زائد س، هنوجد تقاطع مجموعة حل المتباينة الأولى ومجموعة المتباينة التانية؛ وبالتالي مجموعة حل المتباينة أربعة زائد س أصغر من اتنين س ناقص خمسة أصغر من سبعة زائد س، هتكون عبارة عن الفترة المفتوحة من تسعة لما لا نهاية تقاطع الفترة المفتوحة من سالب ما لا نهاية لاتناشر؛ وبالتالي مجموعة حل المتباينة هتكون عبارة عن الفترة المفتوحة من تسعة إلى اتناشر. ويبقى مجموعة حل المتباينة أربعة زائد س أصغر من اتنين س ناقص خمسة أصغر من سبعة زائد س، عبارة عن الفترة المفتوحة من تسعة إلى اتناشر.