تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: رسم المنحنيات من خلال جذورها

أحمد لطفي

أيٌّ مما يلي يمثِّل الرسم البياني للدالة د(ﺱ) = (ﺱ − ٢)(ﺱ + ٢)^٢؟ [أ] شكل أ [ب] شكل ب [ج] شكل ج [د] شكل د [ﻫ] شكل ﻫ

٠٢:٢١

‏نسخة الفيديو النصية

أيٍّ مما يلي يمثّل الرسم البياني للدالة د س بتساوي س ناقص اتنين مضروبة في س زائد اتنين الكل تربيع؟ ومُعطى خمس اختيارات.

في البداية هنعوّض عن س بصفر، يعني هنوجد قيمة الدالة عند س بصفر، يعني هنوجد د صفر؛ فهيساوي صفر ناقص اتنين، مضروب في صفر زائد اتنين الكل تربيع؛ يعني د صفر هتساوي سالب اتنين مضروبة في اتنين تربيع، يعني هتساوي سالب تمنية. وبالتالي قيمة الدالة عند س بتساوي صفر كانت بتساوي سالب تمنية.

هنجد إن في الاختيار الأولاني قيمة الدالة كانت بالسالب، فممكن الاختيار الأولاني يكون رسم بياني للدالة.

وبالنسبة للاختيار التاني فهنجد إن قيمة الدالة عند س بصفر كانت قيمة موجبة وبالتالي هنستبعد الاختيار التاني.

وبالنسبة للاختيار التالت فهنجد أيضًا إن قيمة الدالة عند س بصفر كانت قيمة موجبة فهنستبعد الاختيار التالت.

وبالنسبة للاختيار الرابع فهنجد إن قيمة الدالة عند س بصفر كانت بتساوي صفر وبالتالي هنستبعد الاختيار الرابع.

وفي الاختيار الخامس هنجد إن قيمة الدالة عند س بصفر كانت قيمة سالبة وبالتالي ممكن يعتبر الاختيار الخامس رسم بياني للدالة د س.

يبقى كده عندنا احتمالين: أما إن الرسم البياني للدالة د س يكون الاختيار الأول أو الاختيار الخامس.

هنوجد د تلاتة، يعني عند س بتساوي تلاتة؛ وبالتالي د تلاتة هتساوي تلاتة ناقص اتنين، مضروبة في تلاتة زائد اتنين الكل تربيع؛ يعني هتساوي واحد مضروبة في خمسة تربيع، يعني هتساوي خمسة وعشرين. وبما إن قيمة الدالة عند س بتساوي تلاتة كانت قيمة موجبة؛ فبالنسبة للاختيار الأول هنجد إن قيمة الدالة عند س بتساوي تلاتة هتكون قيمة سالبة، وبالتالي الاختيار الأول هيكون مستبعَد.

وفي الاختيار الخامس هنجد إن قيمة الدالة بتكون قيمة موجبة عند س بتساوي تلاتة؛ وبالتالي الاختيار الوحيد اللي هيكون غير مستبعد هو الاختيار رقم خمسة، يبقى التمثيل البياني للدالة د س هيكون هو الاختيار رقم خمسة.