فيديو: إيجاد قيمة التكامل المحدد لدالة أُسِّية مرفوعة لأس كسري

أوجد قيمة ∫(_١)(^٢٧) ٤ﺱ^−٣/٢ دﺱ.

٠٢:٢٢

‏نسخة الفيديو النصية

اوجد قيمة التكامل من واحد لسبعة وعشرين، للأربعة س أُس، سالب اتنين على تلاتة، بالنسبة للـ س.

إذا كانت د س بتساوي س أُس ن؛ حيث ن ده عدد حقيقي. فإن تكامل الـ د س، بالنسبة للـ س، بيساوي س أُس ن زائد الواحد، على الـ ن زائد الواحد؛ زائد عدد ثابت. يعني بنزوّد الأُس واحد، وبنقسم على الأُس الجديد. وده تكامل غير محدود، فبنزوّد العدد الثابت. في التكامل اللي عايزين نوجد قيمته، ده تكامل محدود. فهنعوّض بحدود التكامل، مكان الـ س، بعد ما نوجد التكامل.

التكامل ده هيساوي أربعة س أُس، سالب اتنين على تلاتة. هنزوّد الأُس واحد، ونقسم على الأُس الجديد. والعدد الثابت هيفضل زيّ ما هو. يبقى أربعة في … الـ س أُس، سالب اتنين على تلاتة، هنزوّد الأُس واحد، ونقسم على الأُس الجديد. وهنا التكامل محدود، فهيبقى هنعوّض بحدوده، من واحد لسبعة وعشرين. يبقى هيساوي أربعة في، الـ س أُس تُلت. ونقسم على الأُس الجديد، اللي هو التُّلت. ونعوّض من واحد لسبعة وعشرين.

التلاتة دي في المقام، هتطلع في البسط، هنضرب فيها في الأربعة. يبقى التكامل هيساوي اتناشر س أُس تُلت. ونعوّض من واحد لسبعة وعشرين. هنعوّض مرة بالسبعة وعشرين، ونطرح منها التعويض بالواحد. يبقى الاتناشر ده عدد ثابت، هيفضل زيّ ما هو برّه. والـ س أُس تُلت هتبقى سبعة وعشرين أُس التُّلت. ناقص … التعويض بالواحد، اللي هو واحد أُس تُلت.

السبعة وعشرين أُس تُلت دي، قيمتها تلاتة. والواحد أُس تُلت بواحد. يبقى التكامل هيساوي اتناشر في اتنين؛ يساوي أربعة وعشرين. ويبقى هي دي قيمة التكامل المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.