فيديو: قسمة المقادير الكسرية

اختصر (٥ﺱ^٢ − ٧ﺱ)/(٣ﺱ − ٢) ÷ (٢ﺱ − ٥)/(٤ﺱ − ٧). اكتب الإجابة في صورة محللة تحليلًا كاملًا.

٠٣:١٨

‏نسخة الفيديو النصية

اختصر: خمسة س تربيع ناقص سبعة س، على ثلاثة س ناقص اثنان؛ على اثنين س ناقص خمسة، على أربعة س ناقص سبعة. اكتب الإجابة في صورة محلّلة تحليلًا كاملًا.

في حالة قسمة المقادير الجبرية، بنحوّل عملية القسمة لعملية ضرب، وبنعكس الكسر اللي بعد عملية الضرب. يعني المقدار خمسة س تربيع ناقص سبعة س، على تلاتة س ناقص اتنين؛ على اتنين س ناقص خمسة، على أربعة س ناقص سبعة. هيساوي خمسة س تربيع ناقص سبعة س، على تلاتة س ناقص اتنين؛ في أربعة س ناقص سبعة، على اتنين س ناقص خمسة. يعني خلّينا المقام بسط، والبسط خلّيناه مقام. وفي حالة ضرب المقادير الكسرية، بنضرب البسط في البسط، والمقام في المقام. يبقى ده هيساوي خمسة س تربيع ناقص سبعة س، في أربعة س ناقص سبعة؛ على تلاتة س ناقص اتنين، في اتنين س ناقص خمسة.

بعد كده هنتحقّق إن كل مقدار لوحده متبسّط إلى أبسط صورة. يعني هنحاول نحلّل كل مقدار من المقادير الأربعة. فأول حاجة نشوف المقدار خمسة س تربيع ناقص سبعة س. وبالنظر للمقدار، نقدر نستنتج إنه بيساوي س في، خمسة س ناقص سبعة. يعني خلّينا س عامل مشترك بين الحدين. نكرّر نفس العملية مع المقدار التاني، أربعة س ناقص سبعة. هنلاقي إن ما فيش عوامل مشتركة بين الحدين. فبالتالي هيفضل زيّ ما هو. بعدين المقدار تلاتة س ناقص اتنين. برضو مش هنلاقي أيّ عوامل مشتركة بين الحدين. وآخر حاجة المقدار اتنين س ناقص خمسة. وبرضو مش هنلاقي أيّ عوامل مشتركة بين الحدين.

يبقى خمسة س تربيع ناقص سبعة س، ممكن نقول إنها بتساوي س في، خمسة س ناقص سبعة. يبقى المقدار خمسة س تربيع ناقص سبعة س، على تلاتة س ناقص اتنين؛ على اتنين س ناقص خمسة، على أربعة س ناقص سبعة. بعد تبسيطه لأبسط صورة، هيساوي س في، خمسة س ناقص سبعة، في أربعة س ناقص سبعة؛ على تلاتة س ناقص اتنين، في اتنين س ناقص خمسة. ودي أبسط صورة للمقدار.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.