فيديو: المكثفات والسعة الكهربية

ما مقدار فرق الجهد الذي يجب أن يتصل بمكثف سعتة 13.00nF لتخزين 0.30mc من الشحنة الكهربية؟

٠١:١٧

‏نسخة الفيديو النصية

ما مقدار فرق الجهد الذي يجب أن يتصل بمكثف سعته تلتاشر نانوفاراد، لتخزين تلاتين من المية ملليكولوم من الشحنة الكهربية؟

ففيه عندنا مكثف سعته تلتاشر نانوفاراد. محتاجين نعرف فرق الجهد اللي هيتوصل بيه، عشان يتكوّن على المكثف ده شحنة بتساوي تلاتة من العشرة ملليكولوم. وسعة المكثف بتعرَّف على إنها كمية الشحنة المكوّنة على المكثف، لكل وحدة فرق جهد، متوصّلة على طرفين. فنقدر كده نجيب فرق الجهد ده، عن طريق إننا نضرب طرفين المعادلة في 𝑉 على 𝐶.

فده هيدّينا إن فرق الجهد بيساوي الشحنة، مقسومة على سعة المكثف. فلمّا نعوّض بالقيم، هنلاقي إن فرق الجهد بيساوي تلاتة من العشرة ملليكولوم، اللي هي الشحنة. مقسومة على السعة، اللي هي تلتاشر نانوفاراد.

ونقدر نعوّض مكان الملليكولوم، بعشرة أُس سالب تلاتة كولوم. ومكان النانوفاراد، هنعوّض بعشرة أُس سالب تسعة فاراد. ووحدة الفاراد هي وحدة بتعبّر عن السعة. وبتساوي كولوم على فولت. فنقدر نعوّض مكانها بكولوم على فولت؛ علشان نختصر الكولوم مع الكولوم. ولمّا نحسب الأرقام، هنلاقي إن فرق الجهد بيساوي تلاتة وعشرين كيلوفولت.

وبكده نبقى عرفنا نجيب فرق الجهد، اللي محتاج يتوصّل على طرفين المكثف؛ علشان يتكوّن عليه كمية شحنة معينة

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.