فيديو: حل المسائل الكلامية بواسطة قسمة الكسور

أماني يوسف

خصَّص كريم ٤/١ يومة في المذاكرة، والتدريب، وممارسة لُعبة فيديو، وتصفُّح الإنترنت. إذا كان يقضي نفس المدة الزمنية في كلِّ نشاط من هذة الأنشطة، فما الكسر الذي يُمثِّل مقدار ما يقضيه في المذاكرة من يومه؟

٠٢:٣٢

‏نسخة الفيديو النصية

خصص كريم رُبع يومه في المذاكرة والتدريب وممارسة لعبة فيديو وتصفح الإنترنت. إذا كان يقضي نفس المدة الزمنية في كل نشاط من هذه الأنشطة، فما الكسر الذي يمثّل مقدار ما يقضيه في المذاكرة من يومه؟

عندنا ولد اسمه كريم. بيخصص رُبع يومه علشان يعمل فيه أربع حاجات. مذاكرة، وتدريب، ويمارس لعبة فيديو، ويتصفح الإنترنت. وبيقضي في كل حاجة من الأربع حاجات دول نفس المدة الزمنية. عاوزين نعرف الكسر اللي بيمثّل المدة الزمنية اللي بيقضيها في المذاكرة هو إيه.

فهنفرض إن النموذج ده بيمثّل ربع اليوم بتاع كريم. وهنقسّمه لأربع أجزاء متساوية. جزء المذاكرة. وجزء التدريب. وجزء لعبة الفيديو. وجزء تصفح الإنترنت. عاوزين نعرف بقى جزء المذاكرة؛ إيه الكسر اللي بيمثّله. علشان نعرف نجاوب على السؤال ده، هنقسم ربع على أربعة؛ لأن المذاكرة تعتبر جزء من الرُّبع. وعلشان نعرف ناتج قسمة كسر على عدد صحيح، محتاجين نغيّر في شكل العدد الصحيح. فإحنا عارفين إن الأربعة دي مقامها واحد. وعلشان نتخلّص من علامة القسمة دي ونحوّلها لضرب، هنضرب في المعكوس الضربي للكسر بتاعنا. فهتساوي رُبع في رُبع؛ لأن المعكوس الضربي لأربعة على واحد هو واحد على أربعة. وبكده نكون حوّلنا علامة القسمة اللي هي «على»، لعلامة ضرب اللي هي «في»، ونضرب رُبع في ربع. شرطة الكسر. واحد في واحد بتساوي واحد. وأربعة في أربعة بتساوي ستاشر.

فده معناه إن رُبع على الأربعة بتساوي واحد على ستاشر. وإن المذاكرة بتاخد واحد على ستاشر من يوم كريم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.