فيديو السؤال: استخدام خواص المعين لحل المسائل | نجوى فيديو السؤال: استخدام خواص المعين لحل المسائل | نجوى

فيديو السؤال: استخدام خواص المعين لحل المسائل

احسب محيط المعين ﺃﺏﺟد، ق∠ﺏ.

٠٢:١٨

نسخة الفيديو النصية

احسب محيط المعيّن أ ب ج د، وقياس الزاوية ب.

إحنا عارفين إن محيط أيّ شكل، عبارة عن مجموع أطوال أضلاعه. وبالنسبة للمعيّن، الأربع أضلاع بتوعه متساويين. فيبقى بالتالي، محيط المعيّن عبارة عن أربعة في طول ضلع المعيّن. لأن الأربع أضلاع طولهم زيّ بعض. وبما إن طول الضلع، زيّ ما هو واضح عندنا في الشكل، معطى إنه يساوي تسعة سنتيمتر. فده معناه إن المحيط هيبقى بيساوي حاصل ضرب أربعة في تسعة. يعني هيساوي ستة وتلاتين سنتيمتر. ويبقى بكده أوجدنا أول مطلوب، وهو محيط المعيّن.

دلوقتي بقى عايزين نوجد قياس زاوية ب، اللي هي الزاوية دي. وبما إن المعيّن بنقدر نعتبره حالة خاصة من حالات متوازي الأضلاع، بس بيكون فيه الأربع أضلاع متساوية، وبيكون أقطاره متعامدة. فبالتالي نقدر نعامله معاملة متوازي الأضلاع، اللي من خواصّه إن أول حاجة مجموع قياس أيّ زاويتين متتاليتين فيه، بيبقوا مية وتمانين درجة. زاويتين متتاليتين، يعني مثلًا الزاوية دي والزاوية اللي تَلِيها، الاتنين مجموعهم مية وتمانين درجة. أو الزاوية دي والزاوية دي، الزاويتين دول متتاليتين، فيبقى مجموعهم مية وتمانين درجة.

والخاصية التانية كمان، اللي المفروض هتنطبق عليه، هي إن قياس كل زاويتين متقابلتين، بيبقى متساوي. يعني الزاوية دي، قياسها هيساوي الزاوية دي. بالمثل قياس الزاوية دي، هيساوي قياس الزاوية دي. والخواصّ دي هي اللي هتساعدنا على إيجاد قياس زاوية ب. وبما إن قياس زاوية ج، زيّ ما هو واضح عندنا على الرسم، يساوي واحد وستين درجة. ونقدر نقول إن زاوية ج وزاوية ب، هم زاويتين متتاليتين. يعني هيبقى مجموعهم مية وتمانين درجة. فبالتالي نقدر نستنتج قياس زاوية ب، بإننا هنطرح واحد وستين من مية وتمانين. فبكده هنبقى قدرنا نستنتج قياس زاوية ب، اللي هيطلع يساوي مية وتسعتاشر درجة.

انضم إلى نجوى كلاسيز

شارك في الحصص المباشرة على نجوى كلاسيز وحقق التميز الدراسي بإرشاد وتوجيه من مدرس خبير!

  • حصص تفاعلية
  • دردشة ورسائل
  • أسئلة امتحانات واقعية

تستخدم «نجوى» ملفات تعريف الارتباط لضمان حصولك على أفضل تجربة على موقعنا. اعرف المزيد عن سياسة الخصوصية