فيديو: ضرب ثلاثة أعداد صحيحة باستخدام خاصيتَي الإبدال والدمج

أوجد قيمة ٥٠ × ١٢٣ × ٢ باستخدام خواص الإبدال والدمج.

٠١:٢٣

‏نسخة الفيديو النصية

أوجد قيمة خمسين في مية تلاتة وعشرين في اتنين، باستخدام خواص الإبدال والدمج.

يعني مُعطى عندنا المقدار ده، وعايزين نستخدم خواص الإبدال والدمج؛ علشان نوجد قيمته. فأول حاجة هنعملها إننا هنستخدم خاصية الإبدال. خاصية الإبدال معناها إننا نقدر نغيّر ترتيب الأعداد المضروبة في بعض، من غير ما نغير قيمة المقدار. فهنغير ترتيب الأعداد عن طريق إننا نبدّل اتنين مع مية تلاتة وعشرين. فيبقى المقدار بيساوي خمسين في اتنين في مية تلاتة وعشرين.

بعد كده هنستخدم خاصية الدمج. فنقدر في الأول نضرب خمسين في اتنين. وبعد كده نضرب حاصل ضربهم في مية تلاتة وعشرين. فلمّا نضرب خمسين في اتنين، هيبقى حاصل الضرب هو مية. فيبقى المقدار عندنا بيساوي مية في مية تلاتة وعشرين. بعد كده هنوجد حاصل ضرب مية في مية تلاتة وعشرين. وخلينا نفتكر إننا لمّا بنضرب مية في أي عدد بيبقى الناتج هو العدد نفسه، وبنضيف له على جهة اليمين صفرين. فبالتالي هيبقى حاصل ضرب مية في مية تلاتة وعشرين بيساوي اتناشر ألف وتلتمية. وهتبقى هي دي قيمة المقدار اللي أوجدناها باستخدام خواص الإبدال والدمج.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.