فيديو: إيجاد طول قطعة مستقيمة مقسومة بمعلومية مربعَيْ جزأَيْها

إذا كان (ﺃﺏ)^٢ = ٤ سم^٢، (ﺏﺟ)^٢ = ١٦ سم^٢، ﺏ ∈ القطعة المستقيمة ﺃﺟ، فعين طول القطعة المستقيمة ﺃﺟ.

٠٢:٣٥

‏نسخة الفيديو النصية

إذا كان أ ب تربيع يساوي أربعة سنتيمتر مربع، وَ ب ﺟ تربيع يساوي ستاشر سنتيمتر مربع، وَ ب تنتمي للقطعة المستقيمة أ ﺟ. فعيّن طول القطعة المستقيمة أ ﺟ.

هنبدأ أول حاجة نرسم القطعة المستقيمة أ ﺟ، بنلاقي عندنا القطعة المستقيمة أ ب زي ما إحنا شايفين كده، وَ ب بتنتمي للقطعة المستقيمة أ ﺟ، بنبدأ أول حاجة بإيجاد طول أ ب، وده عن طريق من معرفتنا إن أ ب تربيع بيساوي أربعة، بأخذ جذر الطرفين، بنلاقي إن أ ب تربيع جذرها هيبقى أ ب، وبنلاقي إن أربعة هيكون جذرها اتنين، طبعًا جذر الأربعة المفروض يكون موجب أو سالب اتنين، بس إحنا هنا بنتكلم عن أطوال، والأطوال دائمًا بالموجب؛ وبالتالي جذر الأربعة هيبقى عبارة عن موجب اتنين، يبقى طول أ ب عندنا باتنين سنتيمتر. بالمثل هنلاقي عندنا إن ب ﺟ تربيع يساوي ستاشر، بأخذ جذر الطرفين، بنلاقي إن ب ﺟ هيساوي أربعة سنتيمتر.

بعد كده بنرجع للمعلومة اللي بتقول إن ب بتنتمي للقطعة المستقيمة أ ﺟ، وَ أ ب عندنا يساوي اتنين سنتيمتر، وَ ب ﺟ يساوي أربعة سنتيمتر؛ يبقى نقدر نقول إن نقطة ب بتقع على بُعد اتنين سنتيمتر من أ، وتقع على بعد أربعة سنتيمتر من النقطة ﺟ. بنكتب الأطوال عندنا، فبنلاقي إن أ ب عبارة عن اتنين سنتيمتر، وبنلاقى إن ب ﺟ عندنا عبارة عن أربعة سنتيمتر؛ إذن طول أ ﺟ القطعة المستقيمة أ ﺟ هيساوي اتنين زائد أربعة تساوي ستة سنتيمتر، وبكده يبقى قدرنا نحدّد طول القطعة المستقيمة أ ﺟ، وطلع يساوي ستة سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.