تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد إحداثيات نقطة رأس دالة تربيعية

سوزان فائق

إحداثي رأس منحنى الدالة ﺩ∶ﺩ(ﺱ) = −٨ﺱ − ٦ + ٤ﺱ^٢ هو _.

٠١:٥٤

‏نسخة الفيديو النصية

إحداثي رأس منحنى الدالة د: د س يساوي سالب تمنية س ناقص ستة زائد أربعة س تربيع هو نقط . لإيجاد قيمة إحداثي رأس منحنى الدالة، صيغتها العامة د س يساوي أ س تربيع زائد ب س زائد ج، هو سالب ب على اتنين أ ده الإحداثي السيني، وقيمة الدالة عند سالب ب على اتنين أ ده الإحداثي الصادي.

في الدالة اللي هو مدّيهالنا، الـ أ هنشوف قيمتها كام، والـ ب قيمتها كام، والـ ج قيمتها كام. هنشوف في المعادلة هنا؛ هنلاقي إن الـ أ اللي هو معامل الـ س تربيع، هيساوي أربعة؛ والـ ب معامل الـ س، سالب تمنية؛ والـ ج اللي هو الحد المطلق، هنلاقي قيمته سالب ستة. هنوجد قيم الإحداثي السيني والإحداثي الصادي، يبقى سالب ب على اتنين أ هتساوي … سالب ب؛ سالب في سالب تمنية، على الاتنين في الأربعة، يبقى موجب تمنية على تمنية، يعني هيساوي واحد.

هنوجد قيمة الدالة عند الواحد هتساوي … بالتعويض هيبقى سالب تمنية في الواحد ناقص الستة زائد الأربعة في الواحد تربيع، هتساوي سالب تمنية ناقص ستة زائد أربعة، هتساوي سالب عشرة؛ يبقى ده الإحداثي السيني، وده الإحداثي الصادي لرأس المنحنى؛ يبقى إحداثي رأس المنحنى هو واحد وسالب عشرة.