فيديو: اشتقاق الدوال المثلثية باستخدام قاعدة السلسلة

إذا كان ﺹ = جتا (٨/ﺱ^٥)، فأوجد دﺹ/دﺱ.

٠٢:١٣

‏نسخة الفيديو النصية

إذا كان ص يساوي جتا تمنية على، س أس خمسة. فاوجد د ص د س.

عايزين نوجد تفاضل الدالة ص بالنسبة للـ س. فأوجد ص بتساوي جتا للتمنية على س أس خمسة. عشان نوجد الـ د ص بالنسبة للـ س، بنفاضل الدالة المثلثية الـ جتا. وبعدين نفاضل الزاوية اللي جواها بالنسبة للـ س. الـ جتا دالة مثلثية تفاضلها هيبقى سالب جا. وهتفضل الزاوية جواها زي ما هي. وبعد كده نضربها في تفاضل التمنية على س أس خمسة.

هناخدها كده في الجنب. هنفاضل التمنية على س أس خمسة؛ يعني كأني بفاضل التمنية على س أس خمسة بالنسبة للـ س، اللي هو تمنية في س أس سالب خمسة بالنسبة للـ س.

الأس سالب خمسة هننزّله وننقّصه واحد. يعني هتبقى تمنية في الـ س أس سالب ستة. والأس السالب خمسة هنضربه في الدالة.

يبقى سالب خمسة في تمنية في الـ س أس سالب ستة، هيساوي سالب أربعين في س أس سالب ستة. يعني هيساوي سالب أربعين على الـ س أس ستة. وده هنضربه في الدالة سالب جا على تمنية س أس خمسة. يبقى هنا هنضرب في سالب أربعين على الـ س أس ستة. يبقى د ص بالنسبة للـ د س هتساوي … السالب في السالب بموجب، يبقى هنا أربعين على الـ س أُس ستة، مضروبة في الـ جا للتمنية على س أس خمسة. وهي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.