تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: استخدام نظرية مُنصِّف الزاوية لإيجاد حد مجهول

أحمد لطفي

في الشكل التالي؛ ﺃﺏ = ٣٥ سم، ﺃﺟ = ٣٠ سم، ﺟد = ١٢ سم. إذا كان ﺏد = ﺱ + ١٠ سم، ما قيمة ﺱ؟

٠٢:١٢

‏نسخة الفيديو النصية

إذا كان أ ب بتساوي خمسة وتلاتين سنتيمتر، وَ أ ج بتساوي تلاتين سنتيمتر، وَ ج د بتساوي اتناشر سنتيمتر، وَ ب د بتساوي س زائد عشرة سنتيمتر؛ فأوجد قيمة س.

في المثلث أ ب ج هنلاحظ إن القطعة المستقيمة أ د بتنصّف الزاوية أ، وبالتالي نقدر نلاحظ إن النسبة بين ب د على ج د بتساوي النسبة ما بين أ ب على أ ج؛ وده بسبب إن القطعة المستقيمة أ د بتنصّف الزاوية أ، وبالتالي هيكون عندنا ب د على ج د بيساوي أ ب على أ ج.

هنعوّض بالقيم المعطاة؛ هنعوّض عن ب د بـ س زائد عشرة، وهنعوّض عن ج د باتناشر هيساوي … هنعوّض عن أ ب بخمسة وتلاتين، وهنعوّض عن أ ج بتلاتين. هنضرب خمسة وتلاتين في اتناشر، وهنضرب تلاتين في س زائد عشرة، يعني هيكون عندنا اتناشر في خمسة وتلاتين هيساوي تلاتين في س زائد عشرة.

الطرف الأيمن عندنا اتناشر في خمسة وتلاتين هيساوي ربعمية وعشرين، ده بيساوي … هنضرب التلاتين مرة في س، ومرة في عشرة، فهيكون عندنا تلاتين س زائد تلتمية. هنطرح تلتمية من الطرفين عشان يكون عندنا س في طرف لوحدها، فهيكون عندنا مية وعشرين بتساوي تلاتين س. هنقسم الطرفين على تلاتين، فهيكون عندنا س بتساوي أربعة.

ويبقى كده قدرنا نوجد قيمة س، وكانت س بتساوي أربعة.