فيديو السؤال: إيجاد الزمن اللازم لتلاقي سيارتين باستخدام سرعتهما ومسافتهما

نسخة الفيديو النصية

تحركت سيارتان في نفس الوقت إلى المدينة ب، التي تبعد أربعة وخمسين كيلومتر عن المدينة أ. إذا كانت سرعة السيارة الأولى أربعين كيلومتر لكل ساعة. وسرعة السيارة الثانية ستين كيلومتر لكل ساعة. فما المدة التي ستنتظرها السيارة التانية في المدينة ب حتى تصل السيارة الأولى؟

السرعة بتساوي المسافة على الزمن. ومن هنا الزمن هيساوي المسافة على السرعة. وهيبقى زمن السيارة الأولى بيساوي المسافة على سرعة السيارة الأولى. المسافة هي أربعة وخمسين كيلومتر. وسرعة السيارة الأولى أربعين كيلومتر لكل ساعة. هنقسم أربعة وخمسين كيلومتر على أربعين كيلومتر لكل ساعة. سبعة وعشرين على عشرين ساعة.

زمن السيارة الثانية هيساوي أيضًا المسافة اللي هي أربعة وخمسين كيلومتر، على سرعة السيارة الثانية، اللي هي ستين كيلومتر لكل ساعة. أربعة وخمسين كيلومتر على ستين كيلومتر لكل ساعة بيساوي تسعة من عشرة من الساعة.

يبقى مدة الانتظار هتساوي زمن السيارة الأولى ناقص زمن السيارة التانية. يعني سبعة وعشرين على عشرين، ناقص تسعة من عشرة. وده بيساوي تسعة على عشرين من الساعة. نعرف إن الساعة الواحدة بتساوي ستين دقيقة. فهنضرب الزمن بالساعة، اللي هو تسعة على عشرين في ستين؛ عشان نحوّله لدقايق. تسعة على عشرين في ستين هيساوي سبعة وعشرين. وكده هتكون المدة اللي هتنتظرها السيارة التانية بتساوي سبعة وعشرين دقيقة.