فيديو: إكمال الجدول التكراري ذي المجموعات

أكمل الجدول التكراري الذي يُبيِّن درجات مجموعة من الطلاب في أحد الامتحانات.‎

٠٢:٤٧

‏نسخة الفيديو النصية

أكمل الجدول التكراري الذي يبيّن درجات مجموعة من الطلاب في أحد الامتحانات.

ومعطى عندنا الجدول اللي قدامنا ده. وعندنا المجموعات اللي هي مجموعات الدرجات. وعندنا القيم من عشرين لأربعة وعشرين، ومن خمسة وعشرين لتسعة وعشرين، ومن تلاتين لأربعة وتلاتين، ومن خمسة وتلاتين لتسعة وتلاتين، ومن أربعين لأربعة وأربعين، ومن خمسة وأربعين لتسعة وأربعين، ومن خمسين فيما فوق. وآخر خانة عندنا هي المجموع. بعد كده عندنا في الجدول التكرار. والقيم اللي عندنا هي: أربعة، وخمسة، وخمستاشر، وتسعة، وعشرة، ونقط، وأربعة، وآخر حاجة عندنا خمسين اللي هو المجموع.

فمعنى كده إننا نقدر نفهم من الجدول، إن عندنا عدد الطلاب اللي حصلوا على درجات بين عشرين درجة وأربعة وعشرين درجة هم أربع طلاب. وبنفس الطريقة عدد الطلاب اللي حصلوا على درجات بين خمسة وعشرين درجة وتسعة وعشرين درجة هم خمس طلاب. وهكذا. ومعطى عندنا في الآخر المجموع خمسين؛ يعني عدد جميع الطلاب خمسين.

والمطلوب في السؤال إننا نكمل الجدول التكراري؛ يعني عايزين نوجد القيمة اللي هنا. وبما إن معطى عندنا إن مجموع الطلاب هو خمسين طالب؛ فمعنى كده إن مجموع جميع القيم اللي في الجدول هنا بتساوي خمسين. فبالتالي هيبقى عدد جميع الطلاب بيساوي … وهنبدأ نجمع القيم اللي عندنا هنا في التكرار. وفي الأول خلينا نعوّض عن القيمة اللي عايزين نوجدها بالرمز س. فبالتالي هيبقى عدد جميع الطلاب بيساوي أربعة، زائد خمسة، زائد خمستاشر، زائد تسعة، زائد عشرة، زائد س، زائد أربعة.

وبما إنه معطى عندنا إن مجموع الطلاب هو خمسين، فهنعوّض هنا عن عدد جميع الطلاب بخمسين. فهيبقى عندنا خمسين يساوي … وهنجمع المقدار ده، فهيبقى بيساوي سبعة وأربعين اللي هو مجموع الأعداد اللي هنا، زائد س اللي عندنا هنا. فهيبقى عندنا خمسين يساوي سبعة وأربعين زائد س.

بعد كده عشان نوجد قيمة س، يبقى هنطرح سبعة وأربعين من الطرفين. وبطرح سبعة وأربعين من الطرفين هيبقى عندنا الطرف الأيمن خمسين ناقص سبعة وأربعين. فامّا نحسبها هتبقى بتساوي تلاتة. وأما في الطرف الأيسر فهيبقى عندنا سبعة وأربعين ناقص سبعة وأربعين بصفر، فهيتبقى س. وبالتالي هتبقى س تساوي تلاتة. وهتبقى هي دي قيمة س اللي هنعوّض بيها في الجدول التكراري. وبالتالي هتبقى إجابة السؤال هي تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.