فيديو: كتابة الأعداد العشرية من خلال العلامات على خط الأعداد

ما الأعداد العشرية الموضَّحة على خط الأعداد؟

٠٣:١٨

‏نسخة الفيديو النصية

ما الأعداد العشرية الموضَّحة على خط الأعداد؟ ومعطى عندنا خط الأعداد ده، ومطلوب منّنا إيجاد الأعداد العشرية مكان النقط.

معطى عندنا على خط الأعداد تلات أعداد عشرية. العدد الأول: واحد وعشرين وسبعة وستين من مية. والعدد التاني: واحد وعشرين وسبعة وسبعين من مية. والعدد التالت: واحد وعشرين وسبعة وتمانين من مية. العدد العشري بيتكوّن من جزئين. جزء على شمال العلامة العشرية، وبيكون هو الجزء الصحيح. وجزء على يمين العلامة العشرية، وبيكون هو الجزء العشري.

وهنلاحظ إن الجزء الصحيح في التلات أعداد اللي عندنا هنا، هو الواحد وعشرين. ونقدر نستنتج من ده، إن كل الأعداد العشرية المجهولة اللي ما بينهم، هيكون الجزء الصحيح فيها واحد وعشرين. نيجي للجزء العشري اللي على يمين العلامة العشرية. هنلاحظ إن العدد العشري الأول، الجزء العشري فيه سبعة وستين. والعدد العشري التاني، الجزء العشري فيه سبعة وسبعين. والعدد العشري التالت، الجزء العشري فيه سبعة وتمانين.

الفرق ما بين السبعة وتمانين والسبعة وسبعين، عشرة. والفرق ما بين السبعة وسبعين والسبعة وستين، عشرة. يعني ما بين كل عدد عشري واللي بعده، موجود عشر أماكن. يعني لو حبّينا نعدّ من واحد وعشرين وسبعة وستين من مية، لواحد وعشرين وسبعة وسبعين من مية، هنزوّد عند كل شرطة صغيرة من دول، واحد على الجزء العشري.

معنى كده إن العدد اللي بعد واحد وعشرين وسبعة وستين من مية هيكون واحد وعشرين وتمنية وستين من مية. والعدد اللي بعده هيكون واحد وعشرين وتسعة وستين من مية. وهنا هيكون واحد وعشرين وسبعين من مية. وبعدها واحد وعشرين وواحد وسبعين من مية. واحد وعشرين واتنين وسبعين من مية. وعند المجهول هنا، قدرنا نعرف إن مكانه واحد وعشرين وتلاتة وسبعين من مية.

وبعدين هنكمّل، هنلاقي إن هنا واحد وعشرين وأربعة وسبعين من مية. وهنا واحد وعشرين وخمسة وسبعين من مية. ومكان النقط هيكون واحد وعشرين وستة وسبعين من مية. وهنفضل كل مرة نزوّد واحد على الجزء العشري، فنعرف العدد اللي بعده. أو بمعنى آخر، إحنا بنزوّد واحد من مية على العدد العشري كله. فنعرف العدد العشري اللي بعده.

وبكده العدد ده هيكون واحد وعشرين وتمنية وسبعين من مية. وبعدها هييجي العدد ده، واحد وعشرين وتسعة وسبعين من مية. وبعدين واحد وعشرين وتمانين من مية. واحد وعشرين وواحد وتمانين من مية. ومكان النقط في المجهول، هيكون واحد وعشرين واتنين وتمانين من مية. والعدد اللي بعده هنا، هيكون واحد وعشرين وتلاتة وتمانين من مية. وبعدين واحد وعشرين وأربعة وتمانين من مية. ومكان النقط في العدد المجهول الأخير، هيكون واحد وعشرين وخمسة وتمانين من مية.

وبكده إجابة السؤال هتكون: واحد وعشرين وتلاتة وسبعين من مية. وواحد وعشرين وستة وسبعين من مية. وواحد وعشرين واتنين وتمانين من مية. وواحد وعشرين وخمسة وتمانين من مية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.