تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد حد مُعيَّن في مفكوك ذات الحدين

أحمد لطفي

أوجد ح_٤ في مفكوك (٥/جذر (ﺱ) + جذر (ﺱ)/٥)^٩.

٠٤:٢٥

‏نسخة الفيديو النصية

اوجد ح أربعة في مفكوك: خمسة على الجذر التربيعي لـ س، زائد الجذر التربيعي لـ س على خمسة، الكل أُس تسعة.

في البداية لو كان عندنا ذات حدين بالشكل ده: أ زائد ب الكل أُس ن. لو عايزين نوجد الحد العام في ذات الحدين. فهيكون: ح ر زائد واحد بيساوي ن ق ر مضروبة في أ أُس، ن ناقص ر، مضروبة في ب أُس ر. وبما إن مطلوب نوجد ح أربعة في مفكوك: خمسة على الجذر التربيعي لـ س، زائد الجذر التربيعي لـ س على خمسة، الكل أُس تسعة. فَـ ح أربعة هيساوي …

ن هنعوّض عنها بتسعة، فهيكون عندنا تسعة ق. هنقلل الأربعة واحد، فهيكون عندنا تسعة ق تلاتة. مضروبة في الحد الأول اللي هو خمسة على الجذر التربيعي لـ س أُس، تسعة ناقص تلاتة. مضروب في الحد التاني اللي هو الجذر التربيعي لـ س على خمسة أُس تلاتة. بتبسيط الشكل، فهيكون عندنا ح أربعة بتساوي تسعة ق تلاتة. في … خمسة أُس تسعة ناقص تلاتة يعني هتكون خمسة أُس ستة. مضروبة في واحد على الجذر التربيعي لـ س أُس ستة. مضروبة في الجذر التربيعي لـ س أُس تلاتة. مضروبة في واحد على خمسة أُس تلاتة.

هنفتكر خاصية من خصائص الأُسُس؛ إن لو عندنا واحد على أ الكل أُس م، ممكن نكتبها في صورة: أ أُس سالب م. وبالتالي ح أربعة هتساوي تسعة ق تلاتة، مضروبة في خمسة أُس ستة، مضروبة في … واحد عَ الجذر التربيعي لـ س أُس ستة هنكتبها في صورة الجذر التربيعي لـ س أُس سالب ستة. مضروبة في الجذر التربيعي لـ س أُس تلاتة. مضروبة في … واحد على خمسة الكل أُس تلاتة هنكتبها في صورة خمسة أُس سالب تلاتة.

هنفتكر خاصية أخرى من خصائص الأُسُس؛ إن لو عندنا … إن لو عندنا أ أُس م مضروبة في أ أُس ن، بنكتبها في صورة: أ أُس، م زائد ن. وبالتالي ح أربعة هتساوي تسعة ق تلاتة … عندنا خمسة أُس ستة مضروبة في خمسة أُس سالب تلاتة، يعني هيكون عندنا خمسة أُس، ستة ناقص تلاتة. وعندنا أيضًا الجذر التربيعي لـ س أُس سالب ستة والجذر التربيعي لـ س أُس تلاتة، فهيكون عندنا الجذر التربيعي لـ س أُس، سالب ستة زائد تلاتة.

يعني ح أربعة هتساوي تسعة ق تلاتة. مضروبة في … خمسة أُس ستة ناقص تلاتة يعني هتكون بتساوي خمسة أُس تلاتة. مضروبة في … الجذر التربيعي لـ س أُس سالب ستة زائد تلاتة، يعني هتكون الجذر التربيعي لـ س أُس سالب تلاتة.

هنفتكر خاصية من خصائص الجذر التربيعي؛ إن لو عندنا الجذر التربيعي لـ أ، ممكن بنكتبها في صورة: أ أُس نص. وبالتالي ح أربعة هتساوي … يعني ح أربعة هتساوي … تسعة ق تلاتة بتساوي تسعة في تمنية في سبعة، الكل مقسوم على تلاتة في اتنين في واحد. مضروبة في … خمسة أُس تلاتة بتساوي مية خمسة وعشرين. مضروبة في … الجذر التربيعي لـ س أُس سالب تلاتة، هنكتبها في صورة س أُس نص، الكل أُس سالب تلاتة.

هنفتكر خاصية أخرى من خصائص الأُسُس؛ لو عندنا أ أُس م الكل أُس ن، فبنكتبها في صورة: أ أُس، م في ن. وبالتالي ح أربعة هتساوي … تسعة في تمنية في سبعة، مقسومة على تلاتة في اتنين في واحد؛ في مية خمسة وعشرين، هيساوي عشرة آلاف وخمسمية. مضروبة في … س أُس نص الكل أُس سالب تلاتة، هنكتبها في صورة س أُس، سالب تلاتة عَ الاتنين.

يبقى كده قدرنا نوجد ح أربعة في مفكوك: خمسة على الجذر التربيعي لـ س، زائد الجذر التربيعي لـ س على خمسة، الكل أُس تسعة. وكان بيساوي عشرة آلاف وخمسمية في س أُس سالب تلاتة عَ الاتنين.