نسخة الفيديو النصية
اوجد الإجابة بالسنتيمترات وأكمل العبارة التالية: طول سريرك يساوي، نقط. أ: خمسة سنتيمتر. ب: عشرين سنتيمتر. ج: سبعة سنتيمتر. د: تلاتين سنتيمتر. هـ: ميتين سنتيمتر.
مطلوب في السؤال إننا نجيب طول السرير بالسنتيمترات. لو خدنا مثال باب الغرفة. هنلاحظ إنه عرض فتحة الباب هو حوالي واحد متر، يعني مية سنتيمتر. وارتفاع الباب حوالي اتنين متر، يعني ميتين سنتيمتر.
لمّا نيجي نقارن طول السرير بطول الباب. هنلاحظ إنه خمسة سنتيمتر الاختيار الأولاني صغير جدًّا؛ لأنه أصغر بكتير من فتحه الباب، وأصغر كمان من عرض كف الإيد اللي هو بيساوي عشرة سنتيمتر. يبقى الاختيار الأولاني غلط.
الاختيار التاني عشرين سنتيمتر. هنلاحظ إنه عشرين سنتيمتر بيمثّل حوالي الجزء ده من عرض الباب. وبالتالي لمّا نيجي نقارن ده بطول السرير، هنلاقيه صغير جدًّا. يبقى الاختيار التاني برضو غلط.
الاختيار التالت سبعة سنتيمتر. هنلاحظ إنه سبعة سنتيمتر أصغر أصلًا من عشرين سنتيمتر اللي قلنا عليها غلط. وبالتالي سبعة سنتيمتر اختيار غلط.
الاختيار تلاتين سنتيمتر. لمّا نيجي نفكر في التلاتين سنتيمتر، هنلاحظ إنه تلاتين سنتيمتر يعني تقريبًا أقل من نُص فتحه الباب. وبالتالي تلاتين سنتيمتر طول صغير جدًّا على إنه يكون طول سرير.
آخر اختيار ميتين سنتيمتر. لمّا نيجي نفكر في ميتين سنتيمتر، هنلاحظ إنه الواحد متر بيساوي مية سنتيمتر. يعني الاتنين متر هيساوي ميتين سنتيمتر. يعني الميتين سنتيمتر بيساوي حوالي اتنين متر. يعني قد حوالي ارتفاع باب الغرفة. وده يُعتبر الطول المناسب لطول السرير. إذن الاختيار الصحيح اختيار هـ: ميتين سنتيمتر.