فيديو: إيجاد الأعداد الفردية والزوجية بين عددين

في درس الأعداد الزوجية، الأعداد ٢، ٤، ٦، ٨، ١٠ أمثلة للأعداد الزوجية. لاحظ أن جميعها أضعاف أعداد. أيٌّ من المجاميع الآتية إجابتها عدد زوجي؟

٠١:٣٢

‏نسخة الفيديو النصية

في درس الأعداد الزوجية؛ الأعداد اتنين، أربعة، ستة، تمنية، عشرة؛ أمثلة للأعداد الزوجية. لاحظ أن جميعها أضعاف أعداد.

الجملة دي بتشرح لنا يعني إيه عدد زوجي. عدد زوجي زي الاتنين، والأربعة، والستة، والتمنية، والعشرة؛ كل عدد فيهم بيتكوّن من ضعف عدد. يعني الاتنين واحد وواحد، ضعف الواحد. الأربعة اتنين واتنين، ضعف الاتنين. الستة تلاتة وتلاتة، ضعف التلاتة. التمنية أربعة وأربعة، ضعف الأربعة. العشرة خمسة وخمسة، ضعف الخمسة.

السؤال هنا: أيٌّ المجاميع الآتية إجابتها عدد زوجي؟ هل تمنية زائد تمنية زائد واحد عدد زوجي، ولّا تمنية زائد تمنية عدد زوجي؛ أي اختيار من دول؟

إحنا اتفقنا إن العدد الزوجي بيتكون من ضِعف عدد. طيب لو بصينا للاختيار الأول، هنلاقي فيه إيه؟ تمنية زائد تمنية، حلو دول كده ضعف الإيه؟ التمنية. زائد واحد. طب الواحد ده، مالوش ضعف؟ يبقى معناها إن الاختيار ده عمره ما هيبقى زوجي.

طب نبص عَ الاختيار التاني. تمنية زائد تمنية، دول الاتنين ضعف التمنية. فبالتالي نقول إن تمنية زائد تمنية هي المجموعة اللي إجابتها عدد زوجي. فالإجابة اللي نختارها تمنية زائد تمنية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.