فيديو: فَهْم تعريف المثلثات المتطابقة

إذا كان △ﻡﻕﺭ ≌ △ﻥﺵﻑ، فأيٌّ من التالي مؤكَّد؟ [أ] ∠م ≌ ∠ف [ب] ∠ر ≌ ∠ن [ج] ∠ر ≌ ∠ش [د] ∠م ≌ ∠ن [ﻫ] ∠ق ≌ ∠ف

٠١:٥٦

‏نسخة الفيديو النصية

إذا كان المثلث م ق ر يطابق المثلث ن ش ف، فأيّ من التالي مؤكَّد؟

وبنلاقي الاختيارات من أ إلى هـ، زيّ ما إحنا شايفين. ومطلوب نحدّد أيّ من هذه الاختيارات مؤكَّد. بما إن المثلثين متطابقين، فبنلاقي إن الزوايا المتناظرة بتكون متساوية. إزاي نقدر نحدّد الزوايا المتناظرة دي؟ ده بيتمّ من خلال التسمية للمثلثين. يعني لو جينا نقرا تطابُق المثلثين كده، بنلاقي إن المثلث م ق ر بيطابق المثلث ن ش ف. يبقى الزاوية م تطابِق الزاوية ن. لأن بالتناظُر، زيّ ما إحنا شايفين كده، م وَ ن. وهكذا لباقي الزوايا المتناظرة.

بعد كده هنشوف أيّ الاختيارات الموجودة هي الاختيار الصحيح. أول حاجة الاختيار أ: بنلاقي إن الزاوية م تطابِق الزاوية ف. بنلاقي إن م لا تناظِر ف، ولكن تناظِر ن. يبقى الاختيار أ غير صحيح. الاختيار ب: بنلاقي إن الزاوية ر تطابِق الزاوية ن. بنلاحظ إن ر لا تناظِر ن. وبالتالي الاختيار ب اختيار خاطئ.

الاختيار ج: الزاوية ر تطابِق الزاوية ش. بنلاحظ إن ر لا تناظِر ش. يبقى الاختيار ج اختيار خاطئ. بعد كده الاختيار د: الزاوية م تطابِق الزاوية ن. فبنلاحظ إن فعلًا الزاوية م تناظِر الزاوية ن. يبقى الاختيار الصحيح هو الاختيار د. يبقى الاختيار الصحيح هيكون هو د، زيّ ما إحنا شايفين كده.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.