فيديو: طرح الأعداد الصحيحة التي تُمثِّل تواريخ

ما عدد الأيام‎ من بداية اليوم الرابع من أكتوبر‎ إلى نهاية اليوم التاسع والعشرين من أكتوبر من نفس العام؟‎

٠٢:٠٤

‏نسخة الفيديو النصية

ما عدد الأيام‎ من بداية اليوم الرابع من أكتوبر، إلى نهاية اليوم التاسع والعشرين من أكتوبر، من نفس العام؟

عايزين نعرف عدد الأيام من بداية اليوم الرابع، حتى نهاية اليوم التاسع والعشرين من شهر أكتوبر، من نفس العام. عندنا شهر أكتوبر تلاتين يوم. يبقى شهر أكتوبر تلاتين يوم. إحنا عايزين نعرف عدد الأيام، من بداية اليوم الرابع اللي هو رقم أربعة، حتى نهاية اليوم التسعة وعشرين. يعني عايزين عدد الأيام دي.

من أول يوم أربعة، يبقى رقم أربعة هنحسبه. يبقى واحد، اتنين، تلاتة، أربعة، خمسة، ستة، سبعة، تمنية، تسعة، عشرة. حداشر، اتناشر، تلتاشر، أربعتاشر، خمستاشر، ستاشر، سبعتاشر، تمنتاشر، تسعتاشر، عشرين. واحد وعشرين، اتنين وعشرين، تلاتة وعشرين، أربعة وعشرين، خمسة وعشرين، ستة وعشرين. هنحسب رقم تسعة وعشرين معانا، عشان إحنا عايزين لحدّ نهاية اليوم التسعة وعشرين.

طب دلوقتي عرفنا إن هم ستة وعشرين يوم، ممكن نجيبهم بطريقة تانية؛ وهي بطرح الأعداد الصحيحة. إزَّاي؟ إحنا عايزين من أول يوم أربعة، يبقى مش عايزين أول تلات أيام. اللي هو واحد، واتنين، وتلاتة. عايزين لحدّ يوم تسعة وعشرين. يبقى ممكن نكتب تسعة وعشرين يوم، ناقص التلات أيام اللي في أول الشهر، اللي إحنا مش عايزينهم. هيساوي كام؟

تعالوا نطرح. هنطرح بطريقة رأسية. تسعة وعشرين ناقص تلاتة. تسعة ناقص تلاتة، يعني هنطرح الآحاد من الآحاد؛ بستة، ونكتبها في الآحاد. عندنا في العشرات، فوق فيه اتنين، وتحت ما فيش حاجة، يعني فيه صفر. اتنين ناقص صفر، باتنين. يبقى هنزّل الاتنين زيّ ما هي. يبقى ستة وعشرين يوم. يبقى عدد الأيام هو ستة وعشرين. يبقى الإجابة بتاعتنا هي ستة وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.