نسخة الفيديو النصية
مربع طول قطره اتنين وأربعين وخمسة من عشرة سنتيمتر. أوجد مساحته لأقرب جزء من عشرة إذا لزم الأمر.
قانون مساحة المربع إذا عُلم طول قطره بيساوي نصّ في طول القطر في طول القطر. مُعطى عندنا في السؤال إن طول قطر المربع اتنين وأربعين وخمسة من عشرة سنتيمتر. هنعوّض تعويض مباشر في القانون. يبقى مساحة المربع هتساوي نصّ في طول القطر في طول القطر. يعني نصّ في اتنين وأربعين وخمسة من عشرة سنتيمتر في اتنين وأربعين وخمسة من عشرة
سنتيمتر. بعد امَّا هنحسب حاصل ضرب النصّ في اتنين وأربعين وخمسة من عشرة في اتنين وأربعين وخمسة
من عشرة. هيطلع لنا الناتج تسعمية وتلاتة ومية خمسة وعشرين من ألف سنتيمتر مربع.
ما ننساش إنه كان مطلوب منّنا في السؤال إيجاد مساحة المربع لأقرب جزء من عشرة إذا لزم
الأمر. هنلاحظ إن مساحة المربع طلعت لنا بعدد عشري. وده معناه إن ممكن نقرَّب المساحة لأقرب جزء من عشرة زيّ ما اتطلب منّنا في السؤال. يعني الرقم اللي القيمة المكانية ليه جزء من عشرة هو الرقم اللي محتاج يتقرَّب. هنا هنلاقي إن الرقم ده هو الواحد، والرقم اللي جه بعده هو الاتنين. وبما أن الاتنين أقلّ من خمسة يبقى الواحد هيفضل بعد التقريب زيّ ما هو ومش هيزيد.
وبكده مساحة المربع لأقرب جزء من عشرة هتكون تسعمية وتلاتة وواحد من عشرة سنتيمتر
مربع.
