فيديو: حل المسائل الكلامية التي تتضمَّن قسمة الأعداد حتى ١٠٠

إذا وُزعت ٣٢ حبة عنب بالتساوي على ٤ أطفال، فما نصيب كل طفل؟

٠١:٣١

‏نسخة الفيديو النصية

إذا وُزِّعت اتنين وتلاتين حبة عنب بالتساوي على أربعة أطفال، فما نصيب كل طفل؟

يبقى إحنا محتاجين نعرف؛ لو عندنا اتنين وتلاتين حبة عنب، إزاي نقدر نقسّمهم بالتساوي لأربع مجموعات متساوية. كل مجموعة فيها نفس العدد من حبات العنب. يعني عايزين نقسّم اتنين وتلاتين، أو نقسمهم على أربعة. وعايزين نوجد ناتج القسمة ده هيبقى كام.

لو رجعنا تاني لحبات العنب اللي قدامنا، هنلاقي إننا نقدر نقسّمهم بالتساوي لأربع مجموعات متساوية. كل مجموعة هيبقى فيها تمن حبات من العنب. يعني لمّا نقسم العنب على أربع أطفال بالتساوي، هيبقى نصيب الطفل الواحد منهم، تمن حبات من العنب. يبقى اتنين وتلاتين على أربعة يساوي تمنية.

طب لو حبينا نوجد الناتج حسابيًّا من غير استخدام الرسم، نقدر نرجع لجدول الضرب الخاص بأربعة. ونشوف إيه العدد اللي لو ضربناه في أربعة، يبقى حاصل الضرب اتنين وتلاتين. هنلاقي إن أربعة في تمنية بيساوي اتنين وتلاتين. من جدول الضرب، حاصل ضرب أربعة في تمنية يساوي اتنين وتلاتين. فبالتالي لمّا نيجي نقسم اتنين وتلاتين على أربعة، هيصبح الناتج تمنية. وبالطريقة دي برضو وصلنا لنصيب كل طفل من حبات العنب، اللي هو هيبقى تمن حبات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.