نسخة الفيديو النصية
أوجد طول قاعدة متوازي الأضلاع الذي مساحته ثلاثمائة وستة سنتيمترات مربعة، وارتفاعه سبعة عشر سنتيمتر.
مساحة متوازي الأضلاع هي طول القاعدة في الارتفاع المناظر لها. فإذا كانت المساحة معطاة إنها بتساوي تلتمية وستة سنتيمتر مربع، يبقى تلتمية وستة بتساوي طول القاعدة اللي هو المطلوب، في الارتفاع المناظر لها. ومن المعطيات الارتفاع بيساوي سبعتاشر سنتيمتر.
فنقسم طرفَي المعادلة على سبعتاشر، فهنقدر نستنتج إن طول القاعدة بيساوي تلتمية وستة على سبعتاشر. فهنستخدم القسمة المطولة؛ عشان نحسب ناتج القسمة.
فنقسم أول رقمين من اليسار على المقسوم عليه. فتلاتين على سبعتاشر، هيبقى أقرب ناتج هو واحد. بعد كده نضرب واحد في السبعتاشر، فهيبقى الناتج بيساوي سبعتاشر. بعد كده نطرح تلاتين ناقص سبعتاشر هيساوي تلتاشر. بعد كده ننزّل الستة، ونكمّل القسمة. ونقسم مية وستة وتلاتين على سبعتاشر.
مية وستة وتلاتين على سبعتاشر هيساوي تمنية. بعدين نضرب تمنية في سبعتاشر هيساوي مية وستة وتلاتين. بعد كده نطرح مية وستة وتلاتين ناقص مية وستة وتلاتين، فالناتج هيساوي صفر.
يبقى تلتمية وستة على سبعتاشر هيساوي تمنتاشر. وطول القاعدة بيساوي تمنتاشر سنتيمتر.
