نسخة الفيديو النصية
رتب أربعة وتسعمية وأربعة وأربعين من ألف. خمسة وميتين وأربعة وأربعين من ألف. خمسة وأربعة وسبعين من مية. خمسة وربعمية وخمسة وخمسين من ألف. ترتيبًا تنازليًّا.
عشان نرتّب الأعداد العشرية ترتيبًا تنازليًّا، محتاجين أول حاجة نحدّد القيم المكانية لكل الأرقام فيها. وبعد كده نقارن الأعداد، من القيم المكانية الأكبر، إلى الأصغر. فبالنسبة للعدد أربعة وتسعمية وأربعة وأربعين، هنلاقي في الأجزاء من ألف، أربعة. وفي الأجزاء من مائة، أربعة. وفي الأجزاء من عشرة، تسعة. وفي الآحاد، أربعة. نكتب باقي الأعداد بنفس الطريقة.
فبالنظر للأرقام في الآحاد، هنلاقي إن كل الأعداد، الرقم فيها في الآحاد هو خمسة. ما عدا أول رقم، بيساوي أربعة. وده معناه إن العدد الأول هو أصغر عدد. بعد كده نقارن الأجزاء من عشرة، في التلات أعداد الأخيرة. فهنلاقي إن اتنين أصغر من سبعة، وسبعة أكبر من أربعة. يعني ممكن نقول إن سبعة أكبر من أربعة أكبر من اتنين.
وبالتالي أكبر عدد هو العدد التالت. فترتيبه لمّا بنرتب الأعداد ترتيبًا تنازليًّا، هيبقى واحد. يليه العدد الرابع، اللي ترتيبه هيبقى اتنين. يليه العدد التاني، اللي ترتيبه هيبقى تلاتة. بعد كده أصغر عدد، اللي ترتيبه هيبقى أربعة.
يبقى الترتيب التنازلي للأعداد هو: خمسة وأربعة وسبعين من مية. خمسة وربعمية وخمسة وخمسين من ألف. خمسة وميتين وأربعة وأربعين من ألف. أربعة وتسعمية وأربعة وأربعين من ألف.