فيديو: ترتيب الأعداد المُكوَّنة من عدة أرقام ترتيبًا تصاعديًّا

رتّب الأعداد المدوّنة على البطاقات ترتيبًا تصاعديًّا: ٢١‎٦٤٥، ٥٠‎٣٨٠، ٦٠‎٣٧٦، ٤٦‎٦٥٢، ٩٨‎٥٦٢.

٠٢:٤٤

‏نسخة الفيديو النصية

رتّب الأعداد المدوّنة على البطاقات ترتيبًا تصاعديًّا: واحد وعشرين ألف ستمية خمسة وأربعين. خمسين ألف تلتمية وتمانين. ستين ألف تلتمية ستة وسبعين. ستة وأربعين ألف ستمية اتنين وخمسين. تمنية وتسعين ألف خمسمية اتنين وستين.

نفتكر إن الترتيب التصاعدي معناه إن إحنا بنرتّب من الأصغر إلى الأكبر، كأننا بنطلع السلّم. هي تصاعدي يعني زيّ صعود السلم. كأننا بنطلع من أصغر درجة حتى أعلى درجة. يبقى التصاعدي من الأصغر إلى الأكبر.

لمّا بنيجي نقارن بين أيّ عددين، دايمًا بنبدأ المقارنة من الرقم اللي في الخانة المكانية الأكبر. لو بصّينا عَ الأعداد اللي عندنا، هنلاقي إن أكبر خانة مكانية هي خانة عشرات الألوف. فهنحطّ خطّين تحت خانة عشرات الألوف في كل عدد من الأعداد اللي عندنا. ونبتدي نشوف أقل رقم في الأرقام اللي تحتهم الخطوط دي إيه.

هنلاقي إن أول عدد فيه الرقم اتنين. اللي بعده فيه الرقم خمسة. واللي بعده فيه الرقم ستة. واللي بعده فيه الرقم أربعة. واللي بعده فيه الرقم تسعة. أقلّهم الرقم اتنين. يبقى معناها إن أقل عدد في الأعداد اللي عندنا دول هو اللي فيه الرقم اتنين في خانة عشرات الألوف. يبقى هنبدأ الترتيب بتاعنا بواحد وعشرين ألف ستمية خمسة وأربعين. ده أقل عدد بين الأعداد اللي عندنا.

نكمّل مقارنة باقي الأعداد اللي عندنا. هنلاحظ إن خانة عشرات الألوف في الأعداد اللي باقية فيها الأرقام خمسة، وستة، وأربعة، وتسعة. أقل رقم بين الأرقام دي هو أربعة. يبقى العدد اللي عليه الدور في الترتيب اللي عندنا هو ستة وأربعين ألف ستمية اتنين وخمسين.

دلوقتي نقارن باقي الأعداد. هنلاقي باقي الأعداد الأرقام اللي موجودة فيها في خانة عشرات الألوف هي خمسة، وستة، وتسعة. أقلهم دلوقتي خمسة. يبقى العدد اللي عليه الدور في الترتيب هو خمسين ألف تلتمية وتمانين.

آخر عددين موجودين، هنلاحظ إن خانة عشرات الألوف في أحد الأعداد فيها ستة، وفي العدد الآخر فيه تسعة. يبقى ستة أقل من تسعة. فيبقى العدد اللي عليه الدور دلوقتي في الترتيب هو ستين ألف تلتمية ستة وسبعين. ويبقى كده باقي آخر عدد عندنا اللي هو تمنية وتسعين ألف خمسمية اتنين وستين.

ويبقى كده رتّبنا الأعداد المدوّنة على البطاقات اللي قدامنا دي ترتيبًا تصاعديًّا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.